വസ്തു തർക്കത്തെ തുടർന്ന് മർദ്ദനം അയൽവാസികളായ നാലുപേർക്കെതിരെ കേസ്.

വളപട്ടണം: സ്ഥലം ഡിജിറ്റൽസർവ്വെ നടത്താനെത്തിയ
ഉദ്യോഗസ്ഥരോട് സംസാരിക്കുകയായിരുന്ന ഗൃഹനാഥനെ മർദ്ദിച്ചുവെന്ന പരാതിയിൽ അയൽവാസികളായ നാലു പേർക്കെതിരെ വളപട്ടണം പോലീസ് കേസെടുത്തു. ചിറക്കൽ പൂരപ്പറമ്പിലെ പി.കെ.അജിത്കുമാറിൻ്റെ പരാതിയിലാണ് അയൽവാസികളായ സന്തോഷ്, രാജേഷ്, സുനിൽകുമാർ, സുമ എന്നിവർക്കെതിരെ കേസെടുത്തത്.ഇന്നലെ ഉച്ചക്ക് 2 മണിക്കാണ് പരാതിക്കാസ് പദമായ സംഭവം. പരാതിക്കാരൻ ഡിജിറ്റൽ സർവ്വെക്ക് വന്ന ഉദ്യോഗസ്ഥരുമായി സംസാരിച്ചുകൊണ്ടിരിക്കേ അയൽവാസികളായ പ്രതികൾ സർവെ തടസ്സപ്പെടുത്തുകയാണെന്ന സംശയത്താൽ തടഞ്ഞുവെച്ച് കൈ കൊണ്ട് അടിച്ചും കാല് കൊണ്ട് ചവിട്ടിയും പരിക്കേൽപ്പിച്ചുവെന്ന പരാതിയിലാണ് കേസ്.