കൊളച്ചേരിയിൽ കുടുംബശ്രീ അയൽക്കൂട്ട അധ്യക്ഷന്മാർക്കായി പരിശീലന പരിപാടി സംഘടിപ്പിച്ചു

കൊളച്ചേരി: കൊളച്ചേരി ഗ്രാമപഞ്ചായത്ത് കുടുംബശ്രീ ഡിവിഷന് കീഴിലുള്ള അയൽക്കൂട്ട അധ്യക്ഷന്മാർക്കായി ഏകദിന പരിശീലന പരിപാടി സംഘടിപ്പിച്ചു. അയൽക്കൂട്ടങ്ങളുടെ പ്രവർത്തനക്ഷമത വർദ്ധിപ്പിക്കുകയും നേതൃപാടവം വളർത്തുകയും ചെയ്യുക എന്ന ലക്ഷ്യത്തോടെയാണ് പരിപാടി നടത്തിയത്. ആർ.പി (Resource Person) റീന നാറാത്ത് പരിശീലന ക്ലാസ് കൈകാര്യം ചെയ്തു.

കൊളച്ചേരി ഗ്രാമപഞ്ചായത്ത് അസിസ്റ്റന്റ് സെക്രട്ടറി ജനേഷ് പരിപാടിയിൽ പങ്കെടുത്തു. സി.ഡി.എസ് ചെയർപേഴ്സൺ ശ്രീലത, അക്കൗണ്ടന്റ് ഷൈമ എന്നിവർ പരിശീലനത്തിന് നേതൃത്വം നൽകി. അയൽക്കൂട്ടങ്ങളുടെ ശാക്തീകരണത്തെക്കുറിച്ചും ഭാവി പ്രവർത്തനങ്ങളെക്കുറിച്ചും റിജിന, ശ്രീജ എന്നിവർ ചടങ്ങിൽ സംസാരിച്ചു. പഞ്ചായത്തിലെ വിവിധ വാർഡുകളിൽ നിന്നുള്ള അയൽക്കൂട്ട അധ്യക്ഷന്മാർ പരിപാടിയിൽ സംബന്ധിച്ചു.