നാറാത്ത്: മുസ്ലിം യൂത്ത് ലീഗ് BLOOD CARE രക്ത ദാന പദ്ധതിയുടെ ജില്ലാ തല ഉദ്ഘാടനം നാളെ രാവിലെ 9:30 ന് നാറാത്ത് പഞ്ചായത്തിലെ നിടുവാട്ട് ആഫിയ ക്ലിനിക്കിൽ നടക്കും. മലബാർ ക്യാൻസർ സെന്റർ MCC ബ്ലഡ് ബാങ്ക് രക്ത ശേഖരണം നടത്തും. യൂത്ത് ലീഗ് ജില്ലാ ഭാരവാഹികൾ ജില്ലാ കമ്മറ്റി അംഗങ്ങൾ, ദാറുൽ ഹസനാത്ത് വിദ്യാർഥികൾ, യൂത്ത് ലീഗ് പ്രവർത്തകർ, സന്നദ്ധ പ്രവർത്തകർ, വനിതകൾ ഉൾപ്പെടെ നൂറോളം ആളുകൾ ക്യാമ്പിൽ രക്ത ദാനം നടത്തും.
ആഫിയ ക്ലിനിക്കിന്റെ നേതൃത്വത്തിൽ നടക്കുന്ന സൗജന്യ മെഡിക്കൽ ക്യാമ്പിൽ ഡോ: സിറാജ്, ഡോ: കാർത്തിക്. എന്നിവരുടെ നേത്രത്വത്തിൽ മെഡിക്കൽ പരിശോധനകൾ സൗജന്യമായി ലഭ്യമാക്കും.
തുടർ ദിവസങ്ങളിൽ ജില്ലയുടെ വിവിധ ഭാഗങ്ങളിൽ നടക്കുന്ന ക്യാമ്പുകളിൽ യൂത്ത് ലീഗ് 7000 യൂണിറ്റ് രക്തദാനം നടത്തുമെന്ന് യൂത്ത് ലീഗ് ജില്ലാ പ്രസിഡന്റ് നസീർ നല്ലൂർ, ജനറൽ സെക്രട്ടറി പി സി നസീർ. ജില്ലാ സെക്രട്ടറി BLOOD CARE ജില്ലാ കോർഡിനേറ്റർ കെ കെ. ഷിനാജ് എന്നിവർ അറിയിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.