വാരത്ത് റോഡിന് കുറുകെ മരം കടപുഴകി

കണ്ണൂർ ബുധനാഴ്ച അർധരാത്രിയോടെ പെയ്ത കനത്ത മഴയിലും കാറ്റിലും പലയിടങ്ങളിലും മരങ്ങൾ വീണ് ഗതാഗതം സ്തംഭിച്ചു. നിരവധി നാശങ്ങളുണ്ടായി. കെ.എസ്.ടി.പി. റോഡിൽ പാപ്പിനിശ്ശേരി ചുങ്കത്തും കണ്ണൂർ-മട്ടന്നൂർ റൂട്ടിൽ വാരത്തുമാണ് റോഡിന് കുറുകെ മരം കടപുഴ കിയത്. ഇതേത്തുടർന്ന് രണ്ടിടത്തും ഗതാഗതം സ്തംഭിച്ചു. വാരത്ത് ഒരുമണിക്കൂറോളമാണ് ഗതാഗതം തടസപെട്ടത്. ബുധനാഴ്ച രാത്രി 12-നുശേഷമാണ് സംഭവങ്ങൾ.