കുറ്റ്യാട്ടൂർ: ആവേശകരമായ മത്സരങ്ങൾക്ക് സമാപനം കുറിച്ചുകൊണ്ട് കുറ്റ്യാട്ടൂർ ഗ്രാമപഞ്ചായത്ത് കേരളോത്സവം സമാപിച്ചു. 373 പോയിന്റുകൾ കരസ്ഥമാക്കിയ ഇ.എം.എസ്. സ്മാരക വായനശാല & ഗ്രന്ഥാലയം ചട്ടുകപ്പാറ കേരളോത്സവത്തിന്റെ ഓവറോൾ കിരീടം ചൂടി. 293 പോയിന്റുകൾ നേടിയ പൊതുജന ഗ്രന്ഥശാല കുറ്റ്യാട്ടൂർ മത്സരങ്ങളിൽ രണ്ടാം സ്ഥാനം കരസ്ഥമാക്കി.
വ്യത്യസ്ത വിഭാഗങ്ങളിലെ വിജയികൾ:
• കലാ വിഭാഗം ഓവറോൾ: 293 പോയിന്റോടെ ഇ.എം.എസ്. സ്മാരക വായനശാല & ഗ്രന്ഥാലയം ചട്ടുകപ്പാറ സ്വന്തമാക്കി.
• കായിക വിഭാഗം ഓവറോൾ: 167 പോയിന്റ് നേടി പൊതുജന ഗ്രന്ഥശാല & ഗ്രന്ഥാലയം കരസ്ഥമാക്കി.
സമാപന ചടങ്ങ് പഞ്ചായത്ത് പ്രസിഡന്റ് നിജിലേഷ് പറമ്പൻ ഉദ്ഘാടനം ചെയ്തു. എം.വി. സുശീല ചടങ്ങിൽ അധ്യക്ഷത വഹിച്ചു. സി. മുരളീധരൻ മാസ്റ്റർ സ്വാഗതം പറഞ്ഞ ചടങ്ങിൽ പി. സൗമിനി ടീച്ചർ, ടി. രാജൻ, എം.പി. പങ്കജാക്ഷൻ തുടങ്ങിയവർ സംസാരിച്ചു. വിജയികൾക്കുള്ള ട്രോഫികളും സമ്മാനങ്ങളും ചടങ്ങിൽ വിതരണം ചെയ്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.

