ഗുവാഹത്തി: വെസ്റ്റിൻഡീസിനെതിരായ രണ്ടാം ഏകദിനത്തിൽ എട്ട് വിക്കറ്റ് വിജയവുമായി ഇന്ത്യ. ഡബിൾ സെഞ്ചുറിയുമായി ശുഭ്മാൻ ഗില്ലും സെഞ്ചുറിയുമായി രോഹിത് ശർമയും മുന്നിൽ നിന്ന് നയിച്ചപ്പോൾ ഇന്ത്യ അനായാസമായാണ് വിജയതീരത്തെത്തിയത്. 39 പന്ത് ശേഷിക്കെയായിരുന്നു ഇന്ത്യയുടെ ചരിത്രവിജയം. ഏകദിനത്തിൽ ഇന്ത്യ പിന്തുടർന്ന് വിജയിക്കുന്ന ഏറ്റവും വലിയ വിജയമാണിത്. 2013-ൽ ജയ്പുരിൽ ഓസ്‌ട്രേലിയയ്‌ക്കെതിരെ 362 റൺസ് പിന്തുടർന്ന് വിജയിച്ചതായിരുന്നു ഇതിന് മുമ്പത്തെ റെക്കോർഡ്.
406 റൺസ് വിജയലക്ഷ്യവുമായി ഇറങ്ങിയ ഇന്ത്യക്ക് ഓപ്പണിങ് വിക്കറ്റിൽ രോഹിതും ഗില്ലും ചേർന്ന് 255 റൺസിന്റെ വലിയ കൂട്ടുകെട്ടാണ് നൽകിയത്. ഏകദിനത്തിൽ ഓപ്പണിങ്ങിൽ ഇന്ത്യയുടെ ഏറ്റവും മികച്ച രണ്ടാമത്തെ കൂട്ടുകെട്ടാണിത്. 75 പന്തിൽ 10 ഫോറും ആറ് സിക്‌സും സഹിതം 101 റൺസെടുത്ത രോഹിതിനെ പുറത്താക്കി ജയ്ദാൻ ഈ കൂട്ടുകെട്ട് പൊളിച്ചു. പിന്നാലെ 19 പന്തിൽ 29 റൺസെടുത്ത വിരാട് കോലിയും പുറത്തായി.
തുടർന്ന് ക്രീസിൽ ഒന്നിച്ച ഗില്ലും റുതുരാജ് ഗെയ്‌ക്‌വാദും ചേർന്ന് ഇന്ത്യയെ വിജയത്തിലേക്ക് നയിച്ചു. 133 പന്തിൽ 26 ഫോറും എട്ട് സിക്‌സും സഹിതം 223 റൺസെടുത്ത ഗില്ലും, 37 പന്തിൽ 31 റൺസെടുത്ത റുതുരാജും പുറത്താകാതെ നിന്നു.
നേരത്തെ, ആദ്യം ബാറ്റ് ചെയ്ത വെസ്റ്റിൻഡീസ് നിശ്ചിത 50 ഓവറിൽ ഏഴ് വിക്കറ്റ് നഷ്ടത്തിൽ 405 റൺസാണ് അടിച്ചെടുത്തത്. ജോൺ കാംപെൽ (101), ഷായ് ഹോപ് (104), ആമിർ ജങ്കൂ (114) എന്നിവരുടെ സെഞ്ചുറി പ്രകടനമാണ് വിൻഡീസിന് വലിയ സ്കോർ സമ്മാനിച്ചത്. ഇന്ത്യക്കായി കുൽദീപ് യാദവ്, രവീന്ദ്ര ജഡേജ, ഗുർനൂർ ബ്രാർ എന്നിവർ രണ്ട് വിക്കറ്റ് വീതം വീഴ്ത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.