ദുബായ്: മൈതാനത്തിനകത്തും പുറത്തും വിവാദങ്ങൾ നിറഞ്ഞ മത്സരത്തിൽ ഇന്ത്യ സൂപ്പർ ഫോറിൽ പാകിസ്താനെ ആറു വിക്കറ്റിന് തോൽപ്പിച്ചു. 172 റൺസിന്റെ വിജയലക്ഷ്യം ഇന്ത്യ നാല് വിക്കറ്റ് നഷ്ടത്തിൽ മറികടന്നു.
മറുപടി ബാറ്റിങ്ങിനിറങ്ങിയ ഇന്ത്യയ്ക്ക് സ്വപ്നസമാനമായ തുടക്കമാണ് ലഭിച്ചത്. ആദ്യ പന്തിൽ തന്നെ ഷഹീൻ അഫ്രീദിയെ അതിർത്തിക്കപ്പുറത്തേക്ക് അടിച്ച അഭിഷേക് ശർമ തുടക്കത്തിൽ തന്നെ സൂചന നൽകി. ശുഭ്മാൻ ഗില്ലിനൊപ്പമുള്ള ഓപ്പണിങ് ജോഡിയുടെ ആക്രമണം പാക് ബൗളർമാരെ നിലംതൊടിച്ചു. ആറോവറിൽ 69 റൺസ് നേടിയ ഇരുവരിൽ അഭിഷേക് 39 പന്തിൽ 74 റൺസും ഗിൽ 28 പന്തിൽ 47 റൺസുമാണ് സംഭാവന ചെയ്തത്.
123 റൺസിൽ മൂന്നാം വിക്കറ്റ് നഷ്ടപ്പെട്ടെങ്കിലും തിലക് വർമ്മ (നോട്ട് ഔട്ട്) – ഹാർദിക് പാണ്ഡ്യ കൂട്ടുകെട്ട് ഇന്ത്യയെ വിജയത്തിലേക്ക് നയിച്ചു.
മുമ്പ് ടോസ് നഷ്ടപ്പെട്ട് ബാറ്റിങ്ങിനിറങ്ങിയ പാകിസ്താൻ 20 ഓവറിൽ അഞ്ച് വിക്കറ്റ് നഷ്ടത്തിൽ 171 റൺസ് നേടി. സഹിബ്സാദ ഫർഹാനാണ് (45 പന്തിൽ 58) പാക് നിരയിലെ മികച്ച ബാറ്റ്സ്മാൻ. സയിം അയൂബ് (21), മുഹമ്മദ് നവാസ് (21), ഫഹീം അഷ്റഫ് (20*) എന്നിവർ ചെറിയ സംഭാവന നൽകി.
ഇന്ത്യക്കായി ശിവം ദുബെ രണ്ട് വിക്കറ്റ് വീഴ്ത്തി. മത്സരത്തിൽ പാക് താരങ്ങളുടെ മൂന്നു ക്യാച്ചുകൾ ഇന്ത്യ വിട്ടുപോയെങ്കിലും പിന്നാലെ തിരിച്ചടിച്ച് സൂര്യകുമാർ യാദവിന്റെ നേതൃത്വത്തിൽ ഇന്ത്യ വിജയമുറപ്പിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.