മയ്യില്: ഒരേ വിദ്യാലയത്തിലെ മൂന്ന് എസ്.എസ്.എല്.സി. പൂര്വ വിദ്യാര്ഥി കൂട്ടായ്മകളുടെ സംഗമം ട്രൈഫോറിയ എന്ന പേരില് സംഘടിപ്പിച്ചു. മയ്യില് ഇടൂഴി മാധവന് നമ്പൂതിരി സ്മാരക ഗവ. ഹയര് സെക്കന്ഡറി സ്കൂളിലെ 1984,1985,1986 ബാച്ചുകളാണ് സംഗമം നടത്തിയത്. സ്കൂള് ഓഡിറ്റോറിയത്തില് നടന്ന പരിപാടി ഗായകന് കാഞ്ഞങ്ങാട് രാമചന്ദ്രന് ഉദ്ഘാടനം ചെയ്തു. സംഘാടക സമിതി ചെയര്പേഴ്സണ് പി.സി.പി. ഉഷ അധ്യക്ഷത വഹിച്ചു. ജനറല് കണ്വീനര് കെ.പി.വിനോദ്കുമാര്,കെ.സി.സലിത, എ.വിനോദ്കുമാര്,പി.വി.ശോഭ, വി.പുരുഷോത്തമന്,സി.പി.പുരഷോത്തമന്, വീണാധരന്,യു.പി.മനോഹരന്,താഴെ ഒടവര തങ്കമണി, അബ്ദുള്റഹിമാന് മുല്ലപ്പള്ളി, ടി.വിനോദ്കുമാര് കണ്ടക്കൈ എന്നിവര് സംസാരിച്ചു. പരിപാടിയുടെ ലോഗോ രൂപകല്പന ചെയ്ത ടി.പ്രദീപിനുള്ള ആദരം, ഡോ. കെ.സുധാകരന് കല്ല്യാസിന്റെ പുസ്തകത്തിന്റെ കവര് പേജ് പ്രകാശനം എന്നിവയും നടന്നു. നൃത്തനൃത്യങ്ങള്, സ്കിറ്റ്, തിരുവാതിരക്കളി, ഓണക്കളികള് എന്നിവയും നടത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.