മയ്യിൽ: ട്രാവൽ ഏജൻസിയുടെ ഓൺലൈൻ പോർട്ടലിലെ ഐഡിയും പാസ് വേഡും കൈക്കലാക്കി സ്വന്തം ബന്ധുക്കൾക്ക് എയർ ടിക്കറ്റ് ബുക്ക് ചെയ്ത് വഞ്ചിച്ച് സാമ്പത്തിക നഷ്ടവും അവമതിപ്പുമുണ്ടാക്കിയെന്ന പരാതിയിൽ കോടതി നിർദേശപ്രകാരം മയ്യിൽ പോലീസ് കേസെടുത്തു.
ചെക്കിക്കുളം സ്വദേശിയുടെ പരാതിയിലാണ് അസ്ലം എന്ന ആൾക്കെതിരെ പോലീസ് കേസെടുത്തത്. പരാതിക്കാരൻ്റെ മാണിയൂർ പാലത്തും കരയിലുള്ള കടയിൽ സൂക്ഷിച്ചിരുന്ന കമ്പ്യൂട്ടറിൽ ആക്സസ് നേടിയ പ്രതി പരാതിക്കാരൻ്റെ അൽ ഹിന്ദ് പോർട്ടലിൻ്റെ ഐഡി യും പാസ് വേഡും മോഷ്ടിച്ച് 2
024 ജനുവരി 12 നു പ്രതിയുടെബന്ധുക്കൾക്ക് വേണ്ടി കണ്ണൂർ എയർപോർട്ടിൽ നിന്നു ദോഹയിലേക്ക് ബുക്ക് ചെയ്ത 4വിമാന ടിക്കറ്റുകളുടെ തീയതി തിരുത്തിയും പെനാൽട്ടി അടപ്പിച്ചും പുതിയ ടിക്കറ്റുകൾ എടുപ്പിച്ചും പരാതിക്കാരന് 2,10,000 രൂപയുടെ നഷ്ടവും അവമതിപ്പും ഉണ്ടാക്കി എന്ന പരാതിയിലാണ് കേസെടുത്തത്.
