ന്യൂഡല്ഹി: ഇന്ത്യ – പാകിസ്താന് സംഘര്ഷത്തിന്റെ പശ്ചാത്തലത്തില് ഐപിഎല് ക്രിക്കറ്റ് മത്സരങ്ങള് അനിശ്ചിതമായി നിര്ത്തിവെച്ചതായി ബിസിസിഐ. സംഘര്ഷം തുടരുന്ന സാഹചര്യത്തില് ടൂര്ണമെന്റിന്റെ ഭാവി സംബന്ധിച്ച തീരുമാനം വെള്ളിയാഴ്ച ഉണ്ടായേക്കുമെന്ന് റിപ്പോര്ട്ടുകളുണ്ടായിരുന്നു. സുരക്ഷാ കാരണങ്ങളാലാണ് തീരുമാനം.
ഇരു രാജ്യങ്ങളും തമ്മിലുള്ള സംഘര്ഷത്തിന്റെ പശ്ചാത്തലത്തില് വ്യാഴാഴ്ച ഹിമാചൽ പ്രദേശിലെ ധരംശാലയില് നടന്ന പഞ്ചാബ് കിങ്സ് – ഡല്ഹി ക്യാപിറ്റല്സ് മത്സരം പാതിവഴിയില് ഉപേക്ഷിച്ചിരുന്നു. ജമ്മുവിലും പത്താന്കോട്ടിലും അപായ സൈറണ് മുഴങ്ങിയതിനു പിന്നാലെ ധരംശാലയിലെ സ്റ്റേഡിയത്തില് വൈദ്യുതി ബന്ധം വിച്ഛേദിച്ചിരുന്നു. ഇതിന് പിന്നാലെ സുരക്ഷ മുന്നിര്ത്തി മത്സരം ഉപേക്ഷിക്കാന് തീരുമാനിക്കുകയായിരുന്നു.
കഴിഞ്ഞ ദിവസം പാകിസ്താനിലെ റാവൽപിണ്ടിയിൽ സ്റ്റേഡിയത്തിന് പുറത്ത് നടന്ന സ്ഫോടനത്തെ തുടർന്ന് പാകിസ്താൻ സൂപ്പർ ലീഗ് മത്സരങ്ങളുടെ വേദി മാറ്റാൻ പാകിസ്താൻ ക്രിക്കറ്റ് ബോർഡ് തീരുമാനിച്ചിരുന്നു. മത്സരത്തിന് തൊട്ടു മുൻപാണ് സ്ഫോടനമുണ്ടായത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.