കണ്ണാടിപ്പറമ്പ് : കണ്ണാടിപ്പറമ്പ് എൽപി സ്കൂളിൽ മതസൗഹാർദം വിളിച്ചോതി ഇഫ്താർ വിരുന്ന് സംഘടിപ്പിച്ചു .വൈകുന്നേരം സംഘടിപ്പിച്ച പരിപാടിയിൽ സ്കൂളിലെ മുഴുവൻ കുട്ടികളും പങ്കുചേർന്നു കുട്ടികളുടെ വീട്ടിൽ തന്നെ കൊണ്ടുവന്ന പലഹാരങ്ങളും പഴവർഗങ്ങളും ഈഫ്താർ വിരുന്നിനെ പ്രൗഢമാക്കി കൂടാതെ സ്കൂളിൽ നിന്ന് തന്നെ തയ്യാറാക്കിയ നെയ്ച്ചോറും ചിക്കൻ കറിയും പത്തലും കല്ലുമ്മക്കായും ഇഫ്താർ വിരുന്ന് രുചി കൂട്ടി. സ്കൂളിൽ രണ്ടാം വർഷവും സംഘടിപ്പിച്ച ഇഫ്താർ വിരുന്നിൽ നിരവധി രക്ഷിതാക്കളും നാട്ടുകാരും പങ്കുചേരുന്നു. മുഴുവൻ രക്ഷിതാക്കളും അവരവരുടെ വീട്ടിൽ നിന്ന് തയ്യാറാക്കിയ വിഭവങ്ങൾ രുചി വൈഭവത്തിന്റെ മികവ് വിളിച്ചോതി പരിശുദ്ധ റംസാൻ മാസത്തിൽ സംഘടിപ്പിച്ച പരിപാടി കുട്ടികളുടെ പങ്കാളിത്തവും രക്ഷിതാക്കളുടെ സഹകരണവും കൊണ്ട് ഏറെ വിഭവസമ്പന്നമായി. പലഹാരങ്ങളായ പത്തൽ , കല്ലുമ്മക്കായ , പഴം പൊരി, സാൻവിച്ച്, ഉണ്ടപ്പൊരി, പത്തിരി തുടങ്ങിയവയും ബത്തക്ക , മുന്തിരികൾ, ഈന്തപ്പഴം ,ആപ്പിൾ ,നാരങ്ങ, തുടങ്ങി പഴങ്ങളുടെ വൈവിധ്യമാർന്ന രുചികളും കുട്ടികളുടെ വായിൽ കൊതി നിറച്ചു. ചടങ്ങിൽ വാർഡ് മെമ്പറും നാറാത്ത് വികസന സ്റ്റാൻഡിങ് കമ്മിറ്റി ചെയർമാനുമായ കാണി ചന്ദ്രൻ ഇഫ്താർ സംഗമ സന്ദേശം കൈമാറി. സ്കൂൾ പ്രധാനാധ്യാപിക പി .ശോഭ സ്കൂൾ പി.ടി.എ. പ്രസിഡണ്ട് മുഹമ്മദ് കുഞ്ഞി പാറപ്രം മദർ പി.ടി.എ പ്രസിഡണ്ട് ശരണ്യ പി.ടി.എ എക്സിക്യൂട്ടീവ് കമ്മിറ്റി അംഗങ്ങളുംഅധ്യാപികമാരായ കെ.വി. നിഷ , രമ്യാരാജൻ, നസീമ പി. ഹസീന, ബീന എന്നിവർ നേതൃത്വം നൽകി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.