മുഖ്യമന്ത്രിക്ക് നേരെ പ്രതിഷേധത്തിനെത്തിയ മൂന്ന് യൂത്ത് കോൺഗ്രസ് പ്രവർത്തകർ അറസ്റ്റിൽ

പഴയങ്ങാടി: ഏഴോത്ത് ഉദ്ഘാടന ചടങ്ങിനെത്തിയ മുഖ്യമന്ത്രി പിണറായി വിജയന് നേരെ കരിങ്കൊടി പ്രതിഷേധത്തിനെത്തിയ മൂന്ന് യൂത്ത് കോൺഗ്രസ് പ്രവർത്തകരെ പോലീസ് മുൻകരുതൽ അറസ്റ്റു ചെയ്തു .യൂത്ത് കോൺഗ്രസ് പ്രവർത്തകരായ കല്യാശേരി ഇരിണാവിലെ പന്നേൻ സുഫൈൽ സുബൈർ (23), പയ്യന്നൂർ കോറോത്തെ കെ.വി.അർജ്ജുൻ (23), മാട്ടൂൽജസീന്തയിലെ പി. അതുൽ (20) എന്നിവരെയാണ് പഴയങ്ങാടി ഇൻസ്പെക്ടർ എൻ.കെ.സത്യനാഥനും സംഘവും അറസ്റ്റു ചെയ്തത്.ഇന്നലെ വൈകുന്നേരം 5.30 മണിയോടെ മുഖ്യമന്ത്രി ഏഴോത്ത് ഒ.വി നാരായണൻ സ്മാരക ഓഡിറ്റോറിയം ഉദ്ഘാടനം നിർവ്വഹിക്കാൻ എത്തുന്ന സമയത്തായിരുന്നു രണ്ടു ബൈക്കുകളിലായി എത്തിയ യൂത്ത് കോൺഗ്രസ് പ്രവർത്തകരെ ഏഴോം വൃന്ദാവൻ ലോഡ്ജിന് സമീപം വെച്ച് കരിങ്കൊടി കാണിക്കാനും പരിപാടി അലങ്കോലപ്പെടുത്തുന്നതിനുമുള്ള ഉദ്ദേശത്തോടു കൂടി വന്നതാണെന്ന വിശ്വാസത്തിൽ പ്രവർത്തകരെ
പോലീസ് മുൻ കരുതലായി അറസ്റ്റു ചെയ്തത്.