നാറാത്ത് ഗ്രാമ പഞ്ചായത്തിൽ ഹെൽപ്പ് ഡെസ്ക് ഓഗസ്റ്റ് 19, 21, 22 തീയ്യതികളിൽ
കണ്ണൂർ: പൊതുജനങ്ങളുടെ തീർപ്പാകാതെ കിടക്കുന്ന പരാതികൾ പരിഹരിക്കുന്നതിന് ജില്ലാ തലങ്ങളിൽ സംഘടിപ്പിക്കുന്ന തദ്ദേശ അദാലത്ത് കണ്ണൂരിൽ സെപ്റ്റംബർ 2-ന് (തിങ്കളാഴ്ച) നടക്കും. മുണ്ടയാട് ഇൻഡോർ സ്റ്റേഡിയത്തിൽ വെച്ചാണ് അദാലത്ത് നടക്കുന്നത്. ബിൽഡിങ് പെർമിറ്റ് കംപ്ലീഷൻ, വ്യാപാര-വാണിജ്യ-വ്യവസായ-സേവന ലൈസൻസുകൾ, സിവിൽ രജിസ്ട്രേഷൻ, നികുതികൾ, ഗുണഭോക്തൃ പദ്ധതികൾ, പദ്ധതി നിർവ്വഹണം, സാമൂഹ്യ സുരക്ഷാ പെൻഷനുകൾ, മാലിന്യ സംസ്കരണം, പൊതുസൗകര്യങ്ങളും സുരക്ഷയും, ആസ്തി മാനേജ്മെന്റ്, സ്ഥാപനങ്ങളുടെയും സംവിധാനങ്ങളുടെയും കാര്യക്ഷമത എന്നീ വിഷയങ്ങളിൽ ജനങ്ങൾക്ക് പരാതി സമർപ്പിക്കാനാകും. ഇതിനായി നാറാത്ത് ഗ്രാമ പഞ്ചായത്തിൽ ഓഗസ്റ്റ് 19, 21, 22 തീയ്യതികളിലായി ഹെൽപ്പ് ഡെസ്ക് പ്രവർത്തിക്കും. adalat.lsgkerala.gov.in എന്ന സൈറ്റിലൂടെയാണ് പരാതികൾ നൽകേണ്ടത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.