വയനാട് ദുരന്തം – അവശ്യ സാധനങ്ങളുമായി കണ്ണൂർ കോർപ്പറേഷൻ

വയനാട് ദുരന്തം – അവശ്യ സാധനങ്ങളുമായി കണ്ണൂർ കോർപ്പറേഷൻ വാഹനം മേയറും കലക്ടറും ഫ്ലാഗ് ഓഫ് ചെയ്തു. സന്നദ്ധ സംഘടനകൾ, വ്യാപാരികൾ, എന്നിവർ കോർപ്പറേഷനെ ഏൽപ്പിച്ച അവശ്യ സാധനങ്ങളും കൊണ്ട് 3 വാഹനങ്ങളാണ് പുറപ്പെട്ടത്. ഇന്നലെ മേയറും സംഘവും നേരിട്ട് കടകളിൽ നിന്നും വസ്തുക്കൾ ശേഖരിച്ചിരുന്നു. അതോടൊപ്പം കണ്ണൂർ മേഖല യൂത്ത് ലീഗ് സമാഹരിച്ച സാധനങ്ങളും കോർപ്പറേഷനെ ഏൽപ്പിച്ചിരുന്നു. സഹായ വാഗ്ദാനങ്ങൾ കൂടുതൽ ഉണ്ടെന്നും അതുമായി നാളെ ഒരു വാഹനം കൂടി വയനാടിലേക്ക് അയക്കുമെന്നും മേയർ മുസ്ലിഹ് മഠത്തിൽ അറിയിച്ചു.ചടങ്ങിൽ ഡെപ്യൂട്ടി മേയർ അഡ്വ.പി. ഇന്ദിര, സ്ഥിരം സമിതി അദ്ധ്യക്ഷന്മാരായ എം.പി. രാജേഷ്, ഷമീമ ടീച്ചർ, വി.കെ ശ്രീലത, സിയാദ് തങ്ങൾ, സുരേഷ് ബാബു എളയാവൂർ മുൻ മേയർ ടി.ഒ മോഹനൻ, മുൻ ഡെപ്യൂട്ടി മേയർ ഷബീന ടീച്ചർ, കൗൺസിലർമാരായ കെ.പി. അബ്ദുൽ റസാഖ്,കൂക്കിരി രാജേഷ്, ജയസൂര്യ , അഷ്റഫ് ചിറ്റുള്ളി അസി. കലക്ടർസെക്രട്ടറി ടി.അജേഷ് , അഡി.സെക്രട്ടറി ജയകുമാർ ഡി എന്നിവർ പങ്കെടുത്തു.