വീടിന് മുന്നിലേക്ക് വൈദ്യുതി ലൈൻ പൊട്ടി വീണ് മുറ്റമടിക്കുകയായിരുന്ന വീട്ടമ്മ മരിച്ചു

വടകര: തോടന്നൂരിൽ വീട്ടുമുറ്റത്തേക്ക് വൈദ്യുതി ലൈൻ പൊട്ടി വീണുണ്ടായ ദാരുണ അപകടത്തിൽ വീട്ടമ്മ മരിച്ചു. ആശാരികണ്ടി ഉഷ (53) ആണ് മരിച്ചത്.

രാവിലെ മുറ്റമടിക്കവെയായിരുന്നു സംഭവം. സമീപത്തെ പറമ്പിലെ മരം വൈദ്യുതി ലൈനിൽ വീണതിനെ തുടർന്ന് വയർ പൊട്ടി വീട്ടുമുറ്റത്ത് പതിക്കുകയായിരുന്നു.

ഷോക്കേറ്റ ഉഷയെ ഉടൻ വടകര ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രി മോർച്ചറിയിൽ സൂക്ഷിച്ചിട്ടുണ്ട്.