പയ്യന്നൂർ.പെയിൻ്റിംഗ് ജോലിക്കിടെ കെട്ടിടത്തിൽ നിന്നും വീണു ഗുരുതരമായി പരിക്കേറ്റ യുവാവ് മരിച്ചു.കാങ്കോൽ വലിയ ചാൽ സ്വദേശിയും രാമന്തളി കുന്നരു കാരന്താട്ട് താമസക്കാരനുമായ കെ.വി.പ്രകാശൻ (46) ആണ് മരണപ്പെട്ടത്. കാങ്കോൽ വലിയ ചാലിലെ പരേതനായ പി. പി കൃഷ്ണൻ്റെയും കെ.വി.ലക്ഷ്മിയുടെയും മകനാണ്. ഇക്കഴിഞ്ഞ നാലാം തീയതി രാവിലെ 11 മണിയോടെ അന്നൂർ പടിഞ്ഞാറേക്കര വേമ്പു വായനശാലക്ക് സമീപത്തെ വീട്ടിൽ പെയിൻ്റിംഗ് ജോലിക്കിടെ അബദ്ധത്തിൽ പാരപ്പെറ്റിൽ നിന്നും താഴേക്ക് വീഴുകയായിരുന്നു. ഗുരുതരമായി പരിക്കേറ്റ് കണ്ണൂരിലെ ബേബി മെമ്മോറിയൽ ആശുപത്രിയിലെ തീവ്ര പരിചരണ വിഭാഗത്തിൽ ചികിത്സക്കിടെ ഇന്ന് പുലർച്ചെയായിരുന്നു അന്ത്യം. ഭാര്യ: അശ്വനി. മക്കൾ: പാർവണ, ഒരാൺകുട്ടിയുമുണ്ട്. സഹോദരങ്ങൾ: അഭിമന്യു, ശ്രീജ, പരേതരായ ശിവജി, ജയശ്രീ. പയ്യന്നൂർ പോലീസ് മൃതദേഹം ഇൻക്വസ്റ്റ് നടത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.