മത്സ്യ തൊഴിലാളികൾക്കുള്ള ആനുകൂല്യങ്ങൾ വിതരണം ചെയ്തു.

കണ്ണൂർ കോർപ്പറേഷൻ വാർഷിക പദ്ധതിയിൽ ഉൾപ്പെടുത്തി മത്സ്യ തൊഴിലാളികൾക്കുള്ള വിവിധ ആനുകൂല്യങ്ങളുടെ വിതരണം മേയർ മുസ്ലിഹ് മഠത്തിൽ നിർവഹിച്ചു.കോർപ്പറേഷനിലെ എല്ലാ വിഭാഗങ്ങൾക്കും അർഹതപ്പെട്ട ആനുകൂല്യങ്ങൾ വാർഷിക പദ്ധതിയിലൂടെ നൽകാൻ കഴിഞ്ഞിട്ടുണ്ടെന്ന് മേയർ പറഞ്ഞു. വിദ്യാഭ്യാസം തൊഴിൽ , ആരോഗ്യം തുടങ്ങി എല്ലാ മേഖലകളിലും ആനുകുല്യങ്ങൾ നൽകിയിട്ടുണ്ട് . 15 മത്സ്യ തൊഴിലാളികൾക്ക് ഇരുചക്ര വാഹനവും ഐസ് ബോക്സും 25 മത്സ്യ തൊഴിലാളികളുടെ മക്കൾക്ക് ലാപ്ടോപുമാണ് വിതരണം ചെയ്തത്. ചടങ്ങിൽ ഡെപ്യുട്ടി മേയർ പി. ഇന്ദിര, കൗൺസിലർ സാബിറ ടീച്ചർ, ഫിഷറീസ് ഡെപ്യൂട്ടി ഡയരക്ടർ ആർ ജുബിനു, ഫിഷറീസ് എക്സ്റ്റെൻഷൻ ഓഫീസർ രതീഷ് ടി. കെ എന്നിവർ സംസാരിച്ചു.