ഓട്ടോ ഇടിച്ച് ഗുരുതരമായി പരിക്കേറ്റവയോധികൻ മരിച്ചു.

പഴയങ്ങാടി. വീട്ടു സാധനങ്ങൾ വാങ്ങാൻ പോകുകയായിരുന്ന കാൽനടയാത്രക്കാരനായ വയോധികൻ ഓട്ടോ ഇടിച്ച് മരിച്ചു. മാട്ടൂൽ സൗത്തിലെ മുക്ലർ പളളിക്ക് സമീപത്തെ ടി.ടി.വി.മുഹമ്മദ് കുഞ്ഞി (73) യാണ് മരണപ്പെട്ടത്.ഞായറാഴ്ച രാത്രി 7.50 മണിയോടെ മാട്ടൂൽ സൗത്തിൽ സി.എച്ച് സെൻ്ററിനടുത്ത എഐക്യാമറക്ക് സമീപം വെച്ചാണ് അപകടം. നടന്നു പോകുകയായിരുന്ന വയോധികനെ കെ എൽ 13. എക്സ്.5815 നമ്പർ ഓട്ടോയാണ് ഇടിച്ചത്.ഗുരുതരമായി പരിക്കേറ്റ് കണ്ണൂർ മിംസ് ആശുപത്രിയിൽ ചികിത്സക്കിടെ ഇന്നലെ വൈകുന്നേരം 5.30 മണിയോടെ മരണപ്പെട്ടു.ഭാര്യ: പരേതയായ അഫ്സത്ത്. മക്കൾ: മുഹ്സീന, മുഫീദ, മാജിദ, മുബൈദ. മരുമക്കൾ: നബീൽ, അൻസാരി .പഴയങ്ങാടി പോലീസ് മൃതദേഹം ഇൻക്വസ്റ്റ് നടത്തി.