മയ്യിൽ: വേളം ശ്രീ മഹാഗണപതി ക്ഷേത്രത്തിലെ നവരാത്രി ആഘോഷം ഒക്ടോബർ 18 ഞായറാഴ്ച മുതൽ 21 ബുധനാഴ്ച വരെ പ്രത്യേക പൂജാകർമ്മങ്ങളോടും വിവിധ കലാപരിപാടികളോടും കൂടി നടക്കും.
പ്രധാന പരിപാടികളുടെ വിവരങ്ങൾ:
ഒക്ടോബർ 18 (ഞായർ): രാവിലെ 10 മുതൽ ഗ്രന്ഥം വെപ്പ് ചടങ്ങുകൾ നടക്കും. തുടർന്ന് വൈകിട്ട് 6 മണിക്ക് പ്രശസ്ത സോപാന സംഗീതജ്ഞനും ‘സോപാനരത്നം’ കലാചാര്യനുമായ പയ്യന്നൂർ കൃഷ്ണമണി മാരാർ കലാപരിപാടികൾ ഉദ്ഘാടനം ചെയ്യും. തുടർന്ന് നാദം കലാക്ഷേത്രം മയ്യിൽ അവതരിപ്പിക്കുന്ന നൃത്തസന്ധ്യ, തിരുവാതിരക്കളി, രുദ്രലയ കോറളായി അവതരിപ്പിക്കുന്ന ഭക്തിസാന്ദ്രമായ കൈകൊട്ടിക്കളി എന്നിവ അരങ്ങേറും.
ഒക്ടോബർ 19 (തിങ്കൾ): വൈകിട്ട് 7 മുതൽ ക്ഷേത്രം മാതൃസമിതിയുടെ തിരുവാതിര കളിയും സ്വരലയ മയ്യിൽ അവതരിപ്പിക്കുന്ന ഭക്തിഗാനമേളയും നടക്കും.
ഒക്ടോബർ 20 (ചൊവ്വ): വൈകിട്ട് 7 മുതൽ വിവിധ കലാപരിപാടികൾക്ക് പുറമെ വാഹന പൂജയും ആയുധ പൂജയും ഉണ്ടായിരിക്കും.
ഒക്ടോബർ 21 (ബുധൻ – സമാപനം): രാവിലെ 7 മണിക്ക് ഗ്രന്ഥം എടുക്കലും വിദ്യാരംഭ ചടങ്ങുകളും നടക്കും. തുടർന്ന് വൈകിട്ട് 6:30 മുതൽ ഹരാശ്രീ നാട്യ കലാക്ഷേത്രം ചക്കരക്കൽ അവതരിപ്പിക്കുന്ന ഭക്തിലഹരി ഭജൻസ്, സംഗീത മാലിക, നൃത്തനൃത്യങ്ങൾ തുടങ്ങി വിവിധ കലാപരിപാടികൾ അരങ്ങേറും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.