ന്യൂഡൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ടർ പട്ടികയിലെ ക്രമക്കേടുകൾക്കെതിരെയും ഇൻഡ്യ മുന്നണിയുടെ നേതൃത്വത്തിൽ ഡൽഹിയിൽ സുപ്രീം കോടതിയിലേക്ക് ‘ചലോ ദില്ലി’ മാർച്ച് ആരംഭിച്ചു. ലോക്സഭാ പ്രതിപക്ഷ നേതാവ് രാഹുൽ ഗാന്ധി, രാജ്യസഭാ പ്രതിപക്ഷ നേതാവും കോൺഗ്രസ് അധ്യക്ഷനുമായ മല്ലികാർജുൻ ഖാർഗെ, സമാജ്‌വാദി പാർട്ടി തലവൻ അഖിലേഷ് യാദവ് തുടങ്ങിയവരുടെയും ഇൻഡ്യ മുന്നണിയിലെ വിവിധ കക്ഷിനേതാക്കളുടെയും നേതൃത്വത്തിലാണ് മാർച്ച് നടക്കുന്നത്. ബാരഖംബ റോഡിൽ നിന്ന് തുടങ്ങി സുപ്രീം കോടതിയിലേക്ക് നീങ്ങുന്ന മാർച്ചിന് നേരെ ഡൽഹിയിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്.
സുപ്രീം കോടതിയിലേക്ക് സമാധാനപരമായി മാർച്ച് നടത്തുമെന്നും, തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ സുപ്രീം കോടതിയിൽ ഹർജി സമർപ്പിക്കുമെന്നും നേതാക്കൾ വ്യക്തമാക്കി. നേരത്തെ ചീഫ് ജസ്റ്റിസിനെ കണ്ട് നിവേദനം നൽകാൻ ഇൻഡ്യ നേതൃത്വം അനുമതി തേടിയിരുന്നെങ്കിലും, വിഷയം കോടതിയുടെ പരിഗണനയിൽ ഇരിക്കുന്നതിനാൽ കൂടിക്കാഴ്ച അനുചിതമാണെന്നായിരുന്നു ചീഫ് ജസ്റ്റിസിന്റെ നിലപാട്. തുടർന്ന് നിയമപരമായ നടപടികളുടെ ഭാഗമായിട്ടാണ് സുപ്രീം കോടതിയിൽ ഹർജി നൽകുന്നത്.
പ്രധാനമന്ത്രി നരേന്ദ്ര മോദിയുടെയും കേന്ദ്ര ആഭ്യന്തര മന്ത്രി അമിത് ഷായുടെയും സമ്മർദ്ദത്തിന് വഴങ്ങിയാണ് തിരഞ്ഞെടുപ്പ് കമ്മീഷൻ പ്രവർത്തിക്കുന്നതെന്ന് രാഹുൽ ഗാന്ധി വാർത്താസമ്മേളനത്തിൽ ആരോപിച്ചു. ജനാധിപത്യം സംരക്ഷിക്കുന്നതിനുവേണ്ടിയുള്ള ഈ പോരാട്ടത്തിൽ നിന്ന് പിന്മാറില്ലെന്നും, ഡൽഹി നഗരത്തിൽ ബാരിക്കേഡുകൾ തീർത്തും പൊലീസിനെ വിന്യസിച്ചും ജനങ്ങളുടെ ശബ്ദം മൂടിക്കെട്ടാനാകില്ലെന്നും അദ്ദേഹം വ്യക്തമാക്കി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.