കയ്യങ്കോട് വാർഡിൽ വികസന മുന്നണിക്ക് വേണ്ടി സീനത്ത്. കെ.പി പത്രിക നൽകി

By [അനീസ് കെവി ] ✍️

(ചേലേരി) | തദ്ദേശ തിരഞ്ഞെടുപ്പിൽ കൊളച്ചേരി പഞ്ചായത്തിലെ കയ്യങ്കോട് വാർഡിൽ ജനവിധി തേടി കയ്യങ്കോട് വികസന മുന്നണിയുടെ സ്വതന്ത്ര സ്ഥാനാർത്ഥിയായി സീനത്ത് കെ.പി. നാമനിർദ്ദേശ പത്രിക സമർപ്പിച്ചു. ശക്തമായ ജനപിന്തുണ ഉറപ്പാക്കിയാണ് മുന്നണി സ്ഥാനാർത്ഥിയെ മത്സരരംഗത്ത് എത്തിച്ചിരിക്കുന്നത്.

👩‍💼 ‘ലക്ഷ്യം വികസനം മാത്രം’

പതിറ്റാണ്ടുകളായി പൊതുരംഗത്തും സാമൂഹിക സേവന-വിദ്യാഭ്യാസ പ്രവർത്തനങ്ങളിലും സജീവ സാന്നിധ്യമാണ് സീനത്ത് കെ.പി. “ലക്ഷ്യം വികസനം മാത്രം” എന്ന മുദ്രാവാക്യം മുന്നിൽ വെച്ചുകൊണ്ടാണ് കയ്യങ്കോട് വികസന മുന്നണി ഈ തിരഞ്ഞെടുപ്പിൽ മത്സരിക്കുന്നത്.
“കയ്യങ്കോട് വാർഡിന്റെ സമഗ്ര വികസനം ലക്ഷ്യമാക്കി ജനകീയ കൂട്ടായ്മയോടെ പ്രവർത്തിക്കുമെന്ന്” പത്രിക സമർപ്പിച്ച ശേഷം സീനത്ത് കെ.പി. പ്രതികരിച്ചു. വാർഡിലെ അടിസ്ഥാന സൗകര്യ വികസനത്തിനും ജനങ്ങളുടെ പ്രശ്നങ്ങൾ പരിഹരിക്കുന്നതിനും പ്രാധാന്യം നൽകുമെന്നും അവർ വ്യക്തമാക്കി.
കയ്യങ്കോട് വികസന മുന്നണിയുടെ ഈ നീക്കം വാർഡിലെ തിരഞ്ഞെടുപ്പ് രംഗത്ത് ശക്തമായ ചലനങ്ങൾ സൃഷ്ടിക്കുമെന്നാണ് വിലയിരുത്തൽ.