മയ്യില്‍: വേനലവധിക്കു ശേഷം നടക്കുന്ന പ്രവേശനോത്‌സവത്തിനു മുന്നോടിയായി എല്ലാ വിദ്യാലയങ്ങളും കേരള സ്‌കൂള്‍ ടീച്ചേഴ്‌സ് അസ്സോസിയേഷന്‍( കെ.എസ്.ടി.എ.) നേതൃത്വത്തില്‍ ശുചീകരണം തുടങ്ങി. ജില്ലാ തല പരിപാടി മയ്യില്‍ ഇടൂഴി മാധവന്‍ നമ്പൂതിരി സ്മാരക ഗവ.ഹയര്‍ സെക്കന്ററി സ്‌കൂളില്‍ ജില്ലാ പഞ്ചായത്ത് പ്രസിഡന്‍ര് അഡ്വ. കെ.കെ.രത്‌നകുമാരി ഉദ്ഘാടനം ചെയ്തു.കെ.എസ്.ടി.എ. ജില്ലാ പ്രസിഡന്റ് കെ.പ്രകാശന്‍ അധ്യക്ഷത വഹിച്ചു. ജില്ലാ സെക്രട്ടറി കെ.സി. സുനില്‍, സംസ്ഥാന വൈസ് പ്രസിഡന്റ് കെ.സി.മഹേഷ്, പി.പി. സുരേഷ്ബാബു, കെ.കെ.വിനോദ്കുമാര്‍, ടി.രാജേഷ് എന്നിവര്‍ സംസാരിച്ചു.
