വീട് കുത്തിതുറന്ന് സ്വർണ്ണവും പണവും കവർന്നു

മയ്യിൽ: പൂട്ടിയിട്ട വീട് കുത്തിതുറന്ന് ആറേകാൽ പവൻ്റെ ആഭരണങ്ങളും 18,000 രൂപയും കവർന്നു. കയരളം കാരക്കണ്ടത്തെ കെ.അഭിമന്യുവിൻ്റെ വീട്ടിലാണ് മോഷണം നടന്നത്.ഇന്നലെ രാവിലെ 8.30 മണിയോടെവീട് പൂട്ടിപ്പോയ അഭിമന്യു ഡ്രൈവർ ജോലിക്കും അമ്മ തൊഴിലുറപ്പ് ജോലിക്കും പോയി വൈകുന്നേരം 5.30 മണിയോടെ തിരിച്ചെത്തിയപ്പോഴാണ് മോഷണം നടന്നത് ശ്രദ്ധയിൽപ്പെട്ടത്. വീടിൻ്റെ വാതിലിൻ്റെ ലോക്ക് തകർത്ത് അകത്ത് കയറിയ മോഷ്ടാവ് അലമാരയിൽ സൂക്ഷിച്ച ആറേകാൽ പവൻ്റെ ആഭരണവും 18,000 രൂപയും കവർന്നു. .തുടർന്ന് മയ്യിൽ പോലീസിൽ പരാതി നൽകി. 3,50,000 രൂപയുടെ നഷ്ടം സംഭവിച്ചുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.