കണ്ണൂർ : കൂത്തുപറമ്പ് രക്തസാക്ഷി ദിനാചരണത്തിന്റെ ഭാഗമായി 25-ന് ബ്ലോക്ക് കേന്ദ്രങ്ങളിൽ റാലിയും പൊതുസമ്മേളനവും ചേരും. കൂത്തുപറമ്പിൽ സി.പി.എം. പൊളിറ്റ് ബ്യൂറോ അംഗം എ.വിജയരാഘവൻ ഉദ്ഘാടനം ചെയ്യും.
എം.വി. ജയരാജൻ, ഡി.വൈ.എഫ്.ഐ. സംസ്ഥാന സെക്രട്ടറി വി.കെ.സനോജ്, പ്രസിഡന്റ് വി.വസീഫ്, പി.ജയരാജൻ തുടങ്ങിയവർ പങ്കെടുക്കും. മൂന്ന് മണിക്ക് ദീപശിഖാ റാലി. 4.30-ന് നടക്കുന്ന റാലിയിൽ കൂത്തുപറമ്പ് പിണറായി ബ്ലോക്കുകളിൽ നിന്നുള്ളവർ അണിനിരക്കും.
വൈറ്റ് വൊളന്റിയർ പരേഡും ഉണ്ടാകും. 4.30-നാണ് ബ്ലോക്ക് കേന്ദ്രങ്ങളിൽ റാലി.
മയ്യിലിൽ എം.എം.മണി, മട്ടന്നൂരിൽ കെ.അനിൽകുമാർ, അഞ്ചരക്കണ്ടി ഡോ. വി. ശിവദാസൻ, പെരിങ്ങോം ഡോ. ജോൺ ബ്രിട്ടാസ് എന്നിവർ ഉദ്ഘാടനം ചെയ്യും. ഇരിട്ടിയിൽ ജയിക് സി.തോമസും തളിപ്പറമ്പിൽ എൻ.സുകന്യയും ആലക്കോട് ടി.ഐ.മധുസൂദനും പരിപാടി ഉദ്ഘാടനം ചെയ്യും.
മാടായിയിൽ എം.സ്വരാജും പേരാവൂരിൽ സി.എസ്.സുജാതയും എടക്കാട് പുത്തലത്ത് ദിനേശനും കണ്ണൂരിൽ പി.കെ.ബിജുവും പരിപാടി ഉദ്ഘാടനം ചെയ്യും.
തലശ്ശേരി കുണ്ടുചിറയിൽ എം.വി. ഗോവിന്ദനും കല്ലിൽതാഴെ ചേരുന്ന റാലി ഇ.പി.ജയരാജനും ഉദ്ഘാടനംചെയ്യും.
പാനൂരിൽ ഡി.വൈ.എഫ്.ഐ. അഖിലേന്ത്യാ പ്രസിഡന്റ് എ.എ.റഹീം പങ്കെടുക്കും.
പാപ്പിനിശ്ശേരിയിൽ പി.കെ.ശ്രീമതിയും പയ്യന്നൂരിൽ കെ.കെ.ശൈലജയും ശ്രീകണ്ഠപുരത്ത് ഡോ. തോമസ് ഐസക്കും പരിപാടി ഉദ്ഘാടനം ചെയ്യും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.