ജീവകാരുണ്യ പ്രവർത്തകനുമായ കനകപ്പള്ളിയിലെ ഡോ. സജീവ് മറ്റത്തിലിന്റെയും കുടുംബത്തിന്റെയും സന്മനസ് ഭൂരഹിതരായ 20 കുടുംബങ്ങൾക്ക് പ്രതീക്ഷയാകുന്നു. ഡോ. സജീവിന്റെ ഇളയ മകൻ ബോറിസ് ജോസ് സജിയുടെ വിവാഹത്തോടനുബന്ധിച്ച് 20 നിർധന കുടുംബങ്ങൾക്ക് അഞ്ചു സെന്റ് വീതം ഭൂമി ദാനം ചെയ്യും.
ഇതിനായി ഒരേക്കർ സ്ഥലം പരപ്പയിൽ നീക്കിവച്ചിട്ടുണ്ട്. തലശേരി അതിരൂപതയോട് ചേർന്നുള്ള ഭൂമി ദാന പദ്ധതിയിൽ ഗുണഭോക്താക്കളാകാൻ ആഗ്രഹിക്കുന്നവർ മാർച്ച് അഞ്ചിനകം നിർദ്ദിഷ്ട ഫോറത്തിൽ അപേക്ഷ നൽകണം. വിധവകൾ ഗുരുതര രോഗികൾ ഉൾപ്പെടുന്ന കുടുംബങ്ങൾ തുടങ്ങിയവർക്ക് മുൻഗണന നൽകും. ഗുണഭോക്താക്കളെ തെരഞ്ഞെടുക്കുന്നതിനും മറ്റ് പ്രവർത്തനങ്ങൾ ഏകോപിപ്പിക്കുന്നതിനുമായി 17 അംഗ കമ്മിറ്റിയും രൂപീകരിച്ചിട്ടുണ്ട്. 2022 ൽ തന്റെ ഗൃഹപ്രവേശനത്തോടനുബന്ധിച്ച് ഡോ. സജീവ് മറ്റം 10 കുടുംബങ്ങൾക്ക് ഭൂമി സൗജന്യമായി നൽകിയിരുന്നു. തന്റെ നന്മകൾ മറ്റുള്ളവരുമായി പങ്കുവയ്ക്കുക എന്നതുമാത്രമാണ് ഭൂമിദാനത്തിലൂടെ ലക്ഷ്യം വയ്ക്കുന്നതെന്ന് ഡോ. സജീവ് അറിയിച്ചു.
അപേക്ഷകൾ നൽകേണ്ട വിലാസം : മറ്റത്തിൽ ഭൂമിദാന കമ്മിറ്റി, മറ്റത്തിൽ അക്യുപംക്ചർ ക്ലിനിക്, കനകപ്പള്ളി പി. ഒ,- 671533, കാസർഗോഡ്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.