കൂത്തുപറമ്പ്  സ്‌കൂട്ടറുകള്‍ കൂട്ടിയിടിച്ച് രണ്ട് യുവാക്കള്‍ മരിച്ചു

കൂത്തുപറമ്പ് . ഇരുചക്രവാഹനങ്ങൾ കൂട്ടിയിടിച്ച് രണ്ടു പേർ മരണപ്പെട്ടു. കതിരൂർവേറ്റുമ്മൽ മാങ്ങിട്ട് വയൽ സ്വദേശി ഷക്കീറിൻ്റെ മകൻ ഓരത്തുക്കണ്ടി ഹൗസിൽ മുഹമ്മദ് സിനാൻ (19) മറ്റൊരു ഇരുചക്രവാഹനയാത്രക്കാരനായ കൊളവല്ലൂർ സ്വദേശി ആലക്കൻ്റവിട കുഞ്ഞഹമ്മദിൻ്റെ മകൻ താഹ (39) എന്നിവരാണ് മരണപ്പെട്ടത്.ഇന്നലെ രാത്രി 11.30 മണിയോടെ മെരുവമ്പായിലായിരുന്നു അപകടം. ഗുരുതരമായി പരിക്കേറ്റ ഇരുവരെയും നാട്ടുകാർ ഉടൻ കണ്ണൂരിലെ സ്വകാര്യാശുപത്രിയിലെത്തിച്ചുവെങ്കിലും ഇന്ന് പുലർച്ചെ മരണപ്പെടുകയായിരുന്നു. വിവരമറിഞ്ഞെത്തിയ കൂത്തുപറമ്പ് പോലീസ് അപകടത്തിൽപ്പെട്ട വാഹനങ്ങൾ കസ്റ്റഡിയിലെടുത്തു.മൃതദേഹങ്ങൾ പോലീസ് ഇൻക്വസ്റ്റ് നടത്തി.