കോട്ടക്കുന്നിൽ കാറും ടിപ്പറും കൂട്ടിയിടിച്ച് അപകടം; വാഹനങ്ങളുടെ മുൻവശം തകർന്നു

കോട്ടക്കുന്ന്: കാട്ടാമ്പള്ളി – പുതിയതെരു റൂട്ടിൽ കോട്ടക്കുന്നിൽ കാറും ടിപ്പർ ലോറിയും കൂട്ടിയിടിച്ച് അപകടം. ഇന്ന് വൈകുന്നേരം 3.45 ഓടെയായിരുന്നു സംഭവം. പുതിയതെരുവിൽ നിന്ന് വരികയായിരുന്ന ടിപ്പറും, കാട്ടാമ്പള്ളി ഭാഗത്ത് നിന്നും പുതിയതെരുവ് ഭാഗത്തേക്ക് പോവുകയായിരുന്ന കാറും തമ്മിലാണ് കൂട്ടിയിടിച്ചത്.

ഇടിയുടെ ആഘാതത്തിൽ കാറിന്റെയും മുൻവശം പൂർണ്ണമായി തകർന്നു. അപകടത്തെ തുടർന്ന് ഈ റൂട്ടിൽ കുറച്ചുസമയം ഗതാഗതം തടസ്സപ്പെടുകയും ഗതാഗതക്കുരുക്ക് അനുഭവപ്പെടുകയും ചെയ്തു. പിന്നീട് വാഹനങ്ങൾ മാറ്റി ഗതാഗതം പുനഃസ്ഥാപിച്ചു.