അഴീക്കോട്: കഴിഞ്ഞ അഞ്ചു വർഷം മണ്ഡലത്തിൽ നടപ്പിലാക്കിയ വികസന നേട്ടങ്ങൾ ഉയർത്തിക്കാട്ടി നിയമസഭാ തിരഞ്ഞെടുപ്പിനെ നേരിടാൻ ഒരുങ്ങി എൽ.ഡി.എഫ്. ഇതിന്റെ ഭാഗമായി പാപ്പിനിശ്ശേരി ബാങ്കിന് സമീപം സംഘടിപ്പിച്ച അഴീക്കോട് മണ്ഡലം എൽ.ഡി.എഫ് തിരഞ്ഞെടുപ്പ് കൺവെൻഷനിൽ ആയിരക്കണക്കിന് പ്രവർത്തകർ പങ്കെടുത്തു. സി.പി.ഐ (എം) കേന്ദ്ര കമ്മിറ്റി അംഗം ഇ.പി. ജയരാജൻ കൺവെൻഷൻ ഉദ്ഘാടനം ചെയ്തു.
യു.ഡി.എഫിനെതിരെ രൂക്ഷവിമർശനം:
കോൺഗ്രസിനും യു.ഡി.എഫിനുമെതിരെ രൂക്ഷമായ വിമർശനങ്ങളാണ് ഉദ്ഘാടന പ്രസംഗത്തിൽ ഇ.പി. ജയരാജൻ ഉന്നയിച്ചത്. ഗ്രൂപ്പുകളായി തിരിഞ്ഞ് തമ്മിലടിക്കാൻ മത്സരിക്കുകയാണ് കോൺഗ്രസെന്നും, തിരഞ്ഞെടുപ്പ് പ്രഖ്യാപിച്ചിട്ട് ഇത്രയും ദിവസമായിട്ടും സ്ഥാനാർഥികളെ പ്രഖ്യാപിക്കാൻ അവർക്ക് കഴിയുന്നില്ലെന്നും അദ്ദേഹം കുറ്റപ്പെടുത്തി. തമ്മിലടിച്ച് ലക്ഷ്യബോധമില്ലാത്തവരായി മാറിയ ഒരു മുന്നണിക്ക് കേരളത്തെ നയിക്കാൻ സാധിക്കില്ല. കിഫ്ബിയിലൂടെ എൽ.ഡി.എഫ് സമാനതകളില്ലാത്ത വികസന പ്രവർത്തനങ്ങൾ യാഥാർഥ്യമാക്കിയപ്പോൾ, അതിനെതിരെ വ്യാജ പ്രചാരണങ്ങൾ നടത്തി കിഫ്ബിയെ പൊളിക്കാൻ ശ്രമിച്ചവരാണ് യു.ഡി.എഫ് എന്നും അദ്ദേഹം കൂട്ടിച്ചേർത്തു.
വികസന നേട്ടങ്ങൾ എണ്ണിപ്പറഞ്ഞ് കെ.വി. സുമേഷ്:
അഞ്ചുവർഷം കൊണ്ട് 5962 കോടി രൂപയുടെ സമഗ്ര വികസനം മണ്ഡലത്തിൽ നടപ്പിലാക്കാൻ കഴിഞ്ഞതായി എൽ.ഡി.എഫ് സ്ഥാനാർഥി കെ.വി. സുമേഷ് വ്യക്തമാക്കി. മണ്ഡലം കൺവീനർ പി. ചന്ദ്രൻ അധ്യക്ഷത വഹിച്ച ചടങ്ങിൽ സി.പി.ഐ ജില്ലാ സെക്രട്ടറി സി.പി. സന്തോഷ് കുമാർ, സി.പി.ഐ (എം) സംസ്ഥാന കമ്മിറ്റി അംഗം ടി.വി. രാജേഷ്, ജില്ലാ സെക്രട്ടറിയറ്റ് അംഗം എൻ. സുകന്യ, മണ്ഡലം കമ്മിറ്റി സെക്രട്ടറി എം. പ്രകാശൻ തുടങ്ങി നിരവധി നേതാക്കൾ സംസാരിച്ചു.
തിരഞ്ഞെടുപ്പ് കമ്മിറ്റി ഭാരവാഹികൾ:
മണ്ഡലത്തിലെ തിരഞ്ഞെടുപ്പ് പ്രവർത്തനങ്ങൾക്ക് നേതൃത്വം നൽകുന്നതിനായി 201 അംഗ കമ്മിറ്റിയെ കൺവെൻഷനിൽ തിരഞ്ഞെടുത്തു.
• ചെയർമാൻ: പി. ചന്ദ്രൻ
• സെക്രട്ടറി: എം. പ്രകാശൻ
• ജോയിന്റ് സെക്രട്ടറിമാർ: പി. രമേശ് ബാബു, കെ.എം. സപ്ന, എം. പ്രഭാകരൻ, കെ. ഗിരീഷ് കുമാർ, പി. പവിത്രൻ, പോത്തോടി സജീവൻ, കെ. ബൈജു, കെ. ലത, എ. സുനിൽ കുമാർ, എൽ.വി. മുഹമ്മദ്, ഷമീം വളപട്ടണം.
• വൈസ് ചെയർമാൻമാർ: ജെയിംസ് മാത്യു, അരക്കൻ ബാലൻ, കെ. നാരായണൻ, പി. പ്രശാന്തൻ, എം. അനിൽ കുമാർ, കെ. മോഹനൻ, സലീല, കെ. പ്രദീപൻ, കെ.പി. ജയബാലൻ, കെ.വി. ഷക്കീൽ, ഡോ. ബാലകൃഷ്ണ പൊതുവാൾ, പ്രശാന്ത് കൃഷ്ണൻ, സി. രത്നാകരൻ, മുഹമ്മദ് റാഫി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.