പയ്യന്നൂർ:സോഷ്യൽ മീഡിയയിൽ കഴിഞ്ഞ മൂന്നു വർഷങ്ങളായി സ്വന്തമായ ഈണത്തിൽ ഇരുന്നോളം ഗീതകങ്ങൾ ഈണം നൽകി കാവ്യ ഗാനാസ്വാദകർക്ക് പകർന്നു നൽകിയ കുഞ്ഞിമംഗലം സ്വദേശിനിയായ നിഷാസുരേഷ് വിട വാങ്ങി. മലയാള പാഠശാലയിലൂടെയും കൂട്ടുകുടുംബത്തിലൂടെയും സർഗ്ഗ വൈഭവത്തിന്റെ സുവർണ രശ്മികൾ പ്രകാശിപ്പിച്ച നിഷാസുരേഷ് ശാന്തതീരം ഹൃദയഗീതം എന്ന കേരളത്തിലെ വലിയ ഫേസ് ബുക്ക് കൂട്ടായ്മയുടെ സാരഥികളിലൊരാളായിരുന്നു.
ഒട്ടുമിക്ക കവികളുടേയും കവിതകൾ നിഷയുടെ ഈണത്തിലൂടെ പുറത്തുവന്നിട്ടുണ്ട്. വിവിധ രോഗാവസ്ഥകളിലൂടെ കഴിഞ്ഞ പതിനഞ്ചു ദിവസങ്ങളായികണ്ണൂർ മിംസിലും മംഗലാപുരത്തും അഡ്മിറ്റായിരുന്ന അവർ ശസ്ത്രക്രിയയ്ക്ക് വിധേയയായിരുന്നു.
കുഞ്ഞിമംഗലം കണ്ടംകുളങ്ങര തീരദേശ റോഡിന് സമീപത്താണ് അന്തരിച്ച നിഷ സുരേഷ് (45) താമസം. ഭർത്താവ്: സുരേഷ്.എൻ.കെ (സൗദി). മക്കൾ: ഗോപിക (വിദ്യാർത്ഥി, ഗവ. എഞ്ചിനീയറിംഗ് കോളജ്, തൃശ്ശൂർ), ഗീതിക (വിദ്യാർത്ഥി, സെൻ്റ് മേരീസ് എച്ച്.എസ് പയ്യന്നൂർ).
ചുരുങ്ങിയ കാലത്തിനുളളിൽ നാടിന്റെ സാംസ്കാരിക നഭസ്സിൽ മിന്നും താരമായി ശോഭിച്ചിരുന്ന കലാകാരിയുടെ ആകസ്മികമായ വേർപാട് ഏവർക്കും വേദനയായി മാറി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.