കണ്ണൂർ: വീട്ടു ചെലവിന് പണം നൽകാത്തത് ചോദ്യം ചെയ്ത വിരോധത്തിൽ കസേരയിൽ ഇരിക്കുകയായിരുന്ന വയോധികയെ മുറ്റത്തേക്ക് വലിച്ചെറിഞ്ഞ് അപായപ്പെടുത്താൻ ശ്രമംപ്രതി വധശ്രമ കേസിൽ പിടിയിൽ.അലവിൽ പള്ളിയാം മൂല ലക്ഷം വീട് കോളനിയിലെ വി.സജീവനെ (58) യാണ് ടൗൺ പോലീസ് അറസ്റ്റു ചെയ്തത്. ഈ മാസം 11 ന് രാത്രി 11 മണിക്കാണ് സംഭവം. പള്ളിയാം മൂലയിലെ വീട്ടിൽ വെച്ചാണ് ചെലവിന് പണം ചോദിച്ച വിരോധത്തിൽ വയോധികയായ പള്ളി യാം മൂലയിലെ മാതാവ് വി. ശാന്ത (88) യെയാണ് മകൻ ആക്രമിച്ചത്. മുറ്റത്ത് തലയിടിച്ച് പരിക്കേറ്റ വയോധികയെ ആശുപത്രിയിൽ പ്രവേശിപ്പിച്ചു. പേരക്കുട്ടി വി. സനൂജയുടെ പരാതിയിൽ കേസെടുത്ത ടൗൺ പോലീസ് അന്വേഷണത്തിനിടെയാണ് പ്രതിയെ പിടി കൂടിയത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.