കണ്ണാടിപ്പറമ്പ്: പ്രതിപക്ഷനേതാവ് വി.ഡി. സതീശൻ നയിക്കുന്ന ‘പുതുയുഗ യാത്ര’യുടെ പ്രചരണാർത്ഥം യു.ഡി.എഫ് അഴീക്കോട് നിയോജക മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച ദ്വിദിന വാഹന പ്രചാരണ യാത്ര ആവേശകരമായ പരിസമാപ്തി. കണ്ണാടിപ്പറമ്പിൽ നിന്ന് ആരംഭിച്ച യാത്ര വിവിധ കേന്ദ്രങ്ങളിലെ പര്യടനത്തിന് ശേഷം കക്കാടാണ് സമാപിച്ചത്.
രണ്ടാം ദിന ഉദ്ഘാടനം
യാത്രയുടെ രണ്ടാം ദിവസത്തെ പര്യടനം കണ്ണാടിപ്പറമ്പിൽ യു.ഡി.എഫ് ജില്ലാ ചെയർമാൻ പി.ടി. മാത്യു ഉദ്ഘാടനം ചെയ്തു. അഷ്കർ കണ്ണാടിപ്പറമ്പ് അധ്യക്ഷത വഹിച്ച ചടങ്ങിൽ ഡി.സി.സി ട്രഷറർ കെ. പ്രമോദ്, ജനറൽ സെക്രട്ടറിമാരായ ടി. ജയകൃഷ്ണൻ, കല്ലിക്കോടൻ രാകേഷ് എന്നിവർ മുഖ്യാതിഥികളായിരുന്നു. രജിത്ത് നാറാത്ത്, ജയചന്ദ്രൻ മാസ്റ്റർ, ചിറക്കൽ ബ്ലോക്ക് കോൺഗ്രസ് കമ്മിറ്റി പ്രസിഡന്റ് കൂക്കിരി രാജേഷ്, പ്രദീപ് വട്ടിപ്രം, കാട്ടാമ്പള്ളി രാമചന്ദ്രൻ, പി.എം. മുഹമ്മദ് കുഞ്ഞി, വി. മുഹമ്മദ്, മോഹനാംഗൻ, കെ.കെ. സിനാജ് തുടങ്ങിയ നേതാക്കൾ സംസാരിച്ചു.
കക്കാട് സമാപന സമ്മേളനം
വൈകുന്നേരം കക്കാട് അങ്ങാടിയിൽ നടന്ന സമാപന സമ്മേളനം കെ.പി.സി.സി വൈസ് പ്രസിഡന്റ് രമ്യ ഹരിദാസ് ഉദ്ഘാടനം ചെയ്തു. വൻ ജനപങ്കാളിത്തത്തോടെയായിരുന്നു സമാപന പരിപാടികൾ നടന്നത്.
7-ന് കണ്ണൂരിൽ സ്വീകരണം
ഫെബ്രുവരി 7-ന് വൈകിട്ട് 4:30-ന് കണ്ണൂർ സ്റ്റേഡിയം കോർണറിൽ വെച്ച് പുതുയുഗ യാത്രയ്ക്ക് വൻ സ്വീകരണം നൽകും. കണ്ണൂർ, ധർമ്മടം, അഴീക്കോട് നിയോജക മണ്ഡലങ്ങളിലെ പ്രവർത്തകർ ഈ സ്വീകരണ ചടങ്ങിൽ അണിനിരക്കും.
ഫെബ്രുവരി 8 ഞായറാഴ്ച യാത്രയ്ക്ക് അവധിയായിരിക്കും. തുടർന്ന് ഈ മാസം 9-ന് പുതുയുഗ യാത്ര ജില്ലയിൽ പര്യടനം തുടരുമെന്ന് യു.ഡി.എഫ് വൃത്തങ്ങൾ അറിയിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.