തിരുവനന്തപുരം: പതിനഞ്ചാം കേരള നിയമസഭയുടെ അവസാന സമ്മേളനം ജനുവരി 20-ന് ആരംഭിക്കുമെന്ന് സ്പീക്കർ എ.എൻ. ഷംസീർ വാർത്താസമ്മേളനത്തിൽ അറിയിച്ചു. ഗവർണറുടെ നയപ്രഖ്യാപന പ്രസംഗത്തോടെയാണ് സമ്മേളനം തുടങ്ങുന്നത്. ഏറെ പ്രതീക്ഷയോടെ കാത്തിരിക്കുന്ന സംസ്ഥാന ബജറ്റ് ജനുവരി 29-ന് അവതരിപ്പിക്കും. മൊത്തം 32 ദിവസത്തെ സമ്മേളനമാണ് ഷെഡ്യൂൾ ചെയ്തിരിക്കുന്നത്.
രാഹുൽ മാങ്കൂട്ടത്തിലിനെതിരായ പരാതി:
ബലാത്സംഗ കേസിൽ അറസ്റ്റിലായ രാഹുൽ മാങ്കൂട്ടത്തിൽ എം.എൽ.എയെ അയോഗ്യനാക്കണമെന്നാവശ്യപ്പെട്ട് സ്വകാര്യ പരാതികൾ ലഭിച്ചിട്ടുണ്ടെന്ന് സ്പീക്കർ പറഞ്ഞു. എന്നാൽ, ഒരു എം.എൽ.എയെ അയോഗ്യനാക്കാനോ പ്രിവിലേജസ് ആൻഡ് എത്തിക്സ് കമ്മിറ്റിക്ക് പരാതി കൈമാറാനോ മറ്റൊരു നിയമസഭാംഗം തന്നെ പരാതി നൽകേണ്ടതുണ്ട്. അത്തരത്തിലുള്ള പരാതികൾ ഇതുവരെ ലഭിച്ചിട്ടില്ലെന്നും സ്പീക്കർ വ്യക്തമാക്കി.
സഭയുടെ അന്തസ്സ്:
“രാഹുൽ മാങ്കൂട്ടത്തിൽ അറസ്റ്റിലായത് സഭയുടെ അന്തസ്സിനെ ബാധിക്കില്ല. വ്യക്തികളല്ല സഭയുടെ അന്തസ്സ് തീരുമാനിക്കുന്നത്. ഒരു കൊട്ടയിലെ ഒരു മാങ്ങ ചീഞ്ഞാൽ എല്ലാം മോശമായി എന്ന് പറയാൻ കഴിയില്ല,” ഷംസീർ പറഞ്ഞു. എല്ലാവരും സ്ത്രീകളെ ബഹുമാനിക്കാൻ പഠിക്കണമെന്നും, ചില സാമാജികരുടെ ഭാഗത്തുനിന്നുണ്ടാകുന്ന തെറ്റായ പെരുമാറ്റം എല്ലാവരെയും മോശക്കാരാക്കരുതെന്നും അദ്ദേഹം കൂട്ടിച്ചേർത്തു. ജനങ്ങൾ ജനപ്രതിനിധികളിൽ നിന്ന് മാന്യമായ പെരുമാറ്റമാണ് പ്രതീക്ഷിക്കുന്നതെന്നും സ്പീക്കർ ഓർമ്മിപ്പിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.