സ്കൂൾ കെട്ടിടത്തിൽ നിന്ന് വീണു വിദ്യാർത്ഥിനിക്ക് ഗുരുതരം

പയ്യാവൂർ:സ്കൂൾ വിദ്യാർത്ഥിനി കെട്ടിടത്തിന് മുകളിൽ നിന്നു താഴേക്ക്
വീണു ഗുരുതരാവസ്ഥയിൽ. പയ്യാവൂർ ഇരുൾ സേക്രേട്ട് ഹാർട്ട് ഹയർ സെക്കൻ്ററി സ്കൂളിലെ പ്ലസ് ടു വിദ്യാർത്ഥിനി ശ്രീകണ്ഠാപുരം തിരൂരിലെ അയോണ (17) യെയാണ് സ്കൂൾ കെട്ടിടത്തിൻ്റെ മുകളിൽ നിന്നും താഴേക്കുവീണ നിലയിൽ കണ്ടെത്തിയത്. ഇന്ന് രാവിലെ 8.30 മണിയോടെയാണ് സംഭവം. ഗുരുതരമായി പരിക്കേറ്റ പെൺകുട്ടിയെ നാട്ടുകാരും സ്കൂൾ അധികൃതരും ചേർന്ന് ഉടൻ ആശുപത്രിയിലെത്തിക്കുകയായിരുന്നു. ഗുരുതരാവസ്ഥയിലായ പെൺകുട്ടി കണ്ണൂരിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. പെൺകുട്ടി അബദ്ധത്തിൽ വീണതാണോ ചാടിയതാണോയെന്നതിനെ കുറിച്ച് വ്യക്തമായ സൂചനയൊന്നും ലഭിച്ചിട്ടില്ല. വിവരമറിഞ്ഞ് പയ്യാവൂർ പോലീസും സ്ഥലത്തെത്തി അന്വേഷണം തുടങ്ങി.