പാപ്പിനിശ്ശേരി ഉപജില്ലാ അറബിക്ക് കലോത്സവത്തിൽ ഈ വർഷവും ഓവർ ഓൾ ചാമ്പ്യൻ പട്ടവുമായി കണ്ണാടിപ്പറമ്പ് എൽ.പി സ്കൂൾ

ഉപ ജില്ലാ കലോത്സവത്തിലും മിന്നും വിജയം

–ഉപജില്ല പ്രവൃത്തിപരിചയമേളയിൽ പഞ്ചായത്ത്‌ തലത്തിൽ ഒന്നാം സ്ഥാനവും

പാപ്പിനിശ്ശേരി ഉപജില്ലാ അറബിക് കലോത്സവത്തിൽ ഓവർ ഓൾ ചാമ്പ്യൻമാരായി കണ്ണാടിപ്പറമ്പ് എൽ.പി.സ്കൂൾ . കലോത്സവത്തിലെ ജനറൽ വിഭാഗം മത്സരങ്ങളിലും മിന്നും വിജയമാണ് കണ്ണാടിപ്പറമ്പ് എൽ.പി കരസ്ഥമാക്കിയത്. നാറാത്ത് പഞ്ചായത്തിലെ എൺപതിൽ താഴെ മാത്രം കുട്ടികൾ പഠിക്കുന്ന സ്കൂളിൽ നിന്നാണ് ഈ ഓവറോൾ ചാമ്പ്യൻഷിപ്പും മിന്നും വിജയമെന്നത് ഏവരെയും ആശ്ചര്യപ്പെടുത്തുന്നതാണ്. ഉപജില്ലയിലെ എൺപതിലധികം വരുന്ന എൽ.പി സ്കൂളുകളോട് മത്സരിച്ചാണ് തിളക്കമാർന്ന വിജയം നേടിയത്. കൂടാതെ മത്സരിച്ച എല്ലാം കലാ പ്രകടനങ്ങളിലും ഗ്രേഡും കരസ്ഥമാക്കി.

എൽ.പി – അറബിക്ക് കലോത്സവത്തിൽ 9 ഇനങ്ങളിൽ 9 എ ഗ്രേഡ് കരസ്ഥമാക്കി വിഭാഗത്തിൽ – 45 പോയിന്റോടെ – ഓവർ ഓൾ ചാമ്പ്യൻമാരായി ഒന്നാംസ്ഥാനവും നേടി എൽ.പി. ജനറൽ വിഭാഗത്തിൽ 59 പോയിന്റോടെ അഞ്ചാം സ്ഥാനവും നേടി ഉപജില്ലയിലെ തന്നെ തിളക്കമാർന്ന വിജയം നേടിയത്.

അറബിക്ക് വിഭാഗത്തിൽ 9 മത്സര ഇനങ്ങളിൽ 9 കുട്ടികളെ മത്സരിപ്പിച്ചും ജനറൽ വിഭാഗത്തിൽ 11 മത്സര ഇനങ്ങളിൽ 13 കുട്ടികളെ മത്സരിപ്പിച്ചാണ് സ്കൂളിന്റെ മിന്നും പ്രകടനം .
എൽ.പി ജനറൽ വിഭാഗത്തിൽ തൃഷാൽ ഹരിയുടെ ചിത്രരചനയിൽ 1 ഉം A ഗ്രേഡും ആൻമിയ ഉണ്ണിയുടെ നാടോടി നൃത്തം 2rd എ ഗ്രേഡ് നേടിയതും ജലഛായത്തിൽ ആദിദേവ് സെക്കൻ്റ് എ ഗ്രേഡ് നേടിയതും ശ്രദ്ധേയമായി. എൽ.പി അറബിക്ക് കലോത്സവത്തിൽ ഫാത്തിമത്ത് റാനിയ അറബിക്ക് പദ നിർമ്മാണവും, ഫാത്തിമ ഷെറിന്റെ അറബിഗാനവും ഖദീജ.കെ.പിയുടെ ഖുറാൻ പരാണവും അറബിക്ക് കൈയ്യെഴുത്തും ക്വിസ്സും റൈഹാനയുടെ കഥ പറയലും ആക്ക്ഷൻ സോംഗ് , അറബിക്ക് പദ്യം ചൊല്ലൽ എന്നിവയിൽ അംനയുടെ പ്രകടനവും ശ്രദ്ധേയമായി.

ഓവർ ഓൾ ട്രോഫി പ്രധാന അധ്യാപിക രമ്യാ രാജൻ , പി.ടി.എ പ്രസിഡൻ്റ് മുഹമ്മദ് കുഞ്ഞി പാറപ്പുറം, അറബിക്ക് അധ്യാപിക നസീമ കെ.വി നിഷ , ജിഷ്ണു മാസ്റ്റർ അധ്യാപകരും കുട്ടികളും അഴിക്കോട് എം.എൽ. എ കെ.വി സുമേഷിൽ നിന്നു ഏറ്റുവാങ്ങി .

മത്സര ഇനങ്ങൾ മുഴുവൻ ഒരിക്കൽ കൂടി അവതരിപ്പിച്ച്
രക്ഷിതാക്കൾക്കും കുട്ടികൾക്കും കാണാൻ അവസരം നൽകിയും കലോത്സവ വിജയികളെ അനുമോദിക്കാനുമുളള തയ്യാറെടുപ്പിലാണ് സ്കൂൾ പി.ടി.എ. ആന്റ് സ്റ്റാഫ്