ചേലേരി: ചേലേരി യു.പി. സ്കൂളിലെ പൂർവ്വ വിദ്യാർത്ഥി കൂട്ടായ്മയായ OSAC (Old Students Association Cheleri U.P. School 1973–80)-ന്റെ ആഭിമുഖ്യത്തിൽ സ്കൂൾ ലൈബ്രറിയിലേക്ക് പുസ്തകങ്ങൾ സംഭാവന ചെയ്തു.
ഒക്ടോബർ 15, 2025-ന് ഉച്ചയ്ക്ക് 2 മണിക്ക് സ്കൂളിൽ വെച്ച് നടന്ന ചടങ്ങിൽ ഹെഡ്മിസ്ട്രസ് ശ്രീമതി അജിത എ. സ്വാഗതം പറയുകയും, പിടിഎ വൈസ് പ്രസിഡന്റ് ശ്രീ വേലായുധൻ പി. അധ്യക്ഷത വഹിക്കുകയും ചെയ്തു. OSAC സെക്രട്ടറി ശ്രീ അരവിന്ദാക്ഷൻ ടി. പദ്ധതി വിശദീകരിച്ചു സംസാരിച്ചു.
OSAC അംഗങ്ങളിൽ നിന്ന് മാത്രം സമാഹരിച്ച നൂറിലധികം പുസ്തകങ്ങൾ ഏകദേശം ₹11,000 മൂല്യമുള്ളവയാണ്. കുട്ടികൾക്ക് ഇഷ്ടപ്പെടുന്ന കഥകളും, അറിവ് വർദ്ധിപ്പിക്കുന്ന പുസ്തകങ്ങളും, പ്രമുഖ എഴുത്തുകാരുടെ നോവലുകളും, ഇംഗ്ലീഷ്-ഹിന്ദി നിഘണ്ടുക്കളും, ശാസ്ത്ര വിഷയങ്ങളിലുള്ള പുസ്തകങ്ങളും, കണക്കിലെ സംശയനിവാരണ ഗ്രന്ഥങ്ങളും ഇതിൽ ഉൾപ്പെടുന്നു. കൂടാതെ കാർഷിക രംഗത്ത് കുട്ടികളിൽ അഭിരുചി വളർത്താൻ സഹായിക്കുന്ന ധാരാളം പുസ്തകങ്ങളും ഇംഗ്ലീഷ് പഠനത്തിനുപയോഗകരമായ പുസ്തകങ്ങളും ഉൾപ്പെടുത്തിയിട്ടുണ്ട്.
OSAC പ്രസിഡൻറ് ഡോ. പി.വി. പ്രദീപൻ ഹെഡ്മിസ്ട്രസിന് പുസ്തകങ്ങൾ കൈമാറി. ചടങ്ങിൽ സ്കൂളിലെ വിദ്യാർത്ഥിയും സംസ്ഥാനതല ക്രിക്കറ്റ് താരവുമായ **സൂഫിയാൻ പി.കെ.**യെ ഡോ. പി.വി. പ്രദീപൻ ഉപഹാരം നൽകി അനുമോദിച്ചു.
OSAC കമ്മിറ്റി അംഗം ശ്രീ പ്രേമാനന്ദൻ എൻ.വി. ആശംസ പ്രസംഗം നടത്തി. കമ്മിറ്റി അംഗങ്ങളായ ശ്രീമതി ഭാർഗവി എൻ.പി., ശ്രീമതി സുജാത കെ. എന്നിവർ പങ്കെടുത്തു.
ചടങ്ങിനോടനുബന്ധിച്ച് “ലോക കൈകഴുകൽ ദിനം” ആചരിച്ചു. ശുചിത്വത്തിന്റെ പ്രാധാന്യത്തെക്കുറിച്ച് ഡോ. പി.വി. പ്രദീപൻ ബോധവത്കരണ ക്ലാസ് എടുത്തു. അമീബ മൂലമുള്ള മസ്തിഷ്കജ്വരവും മറ്റ് പകർച്ചവ്യാധികളും ഒഴിവാക്കാനുള്ള മുൻകരുതലുകളെക്കുറിച്ചും വിദ്യാർത്ഥികൾക്ക് നിർദേശങ്ങൾ നൽകി.
ചടങ്ങിൽ ശ്രീ സുജിത് മാസ്റ്റർ എം. നന്ദിപ്രസംഗം നടത്തി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.