മയ്യിൽ: തായം പൊയിൽ സഫ്ദർ ഹാഷ്മി ഗ്രന്ഥാലയത്തിന്റെ ആഭിമുഖ്യത്തിൽ സംഘടിപ്പിച്ച ‘ജിലേബി’ വായനാ സംഗമത്തിൽ അവധിക്കാല വായനാ ചലഞ്ചിൽ പങ്കെടുത്ത കുട്ടികളും അവരുടെ വീട്ടുകാരും പങ്കുവെച്ച അനുഭവങ്ങൾ മധുരം നിറഞ്ഞത്.
മൂന്നുകൊല്ലം വായനാ ചലഞ്ചിന്റെ ഭാഗമായി വായനയുടെ വഴി വ്യത്യസ്ത ലോകങ്ങളിലേക്ക് പയറ്റിയ കുഞ്ഞുങ്ങൾ വായിച്ച കൃതികളിലെ കാഴ്ചകളും അനുഭവങ്ങളും പങ്കുവെച്ചു. അമ്മമാരും മക്കളുടെ വായനയിലൂടെ കുടുംബ ജീവിതത്തിൽ വന്ന മാറ്റങ്ങളെക്കുറിച്ചും പറഞ്ഞു.
70 പുസ്തകങ്ങൾ വായിച്ച് ഡയമണ്ട് ചലഞ്ച് പൂർത്തിയാക്കിയ 17 കുട്ടികൾ ഒരു ദിവസത്തെ വിനോദയാത്രയ്ക്ക് അർഹരായി. 50 പുസ്തകങ്ങൾ വായിച്ച രണ്ട് പേരും, 30 പുസ്തകങ്ങൾ വായിച്ച 18 പേരും യഥാക്രമം പ്ലാറ്റിനവും ഗോൾഡനും ചലഞ്ചുകൾ പൂർത്തിയാക്കി.
പരിപാടിയുടെ മുഖ്യാതിഥിയായി തളിപ്പറമ്പ് സർ സയ്യിദ് കോളേജ് മലയാളവിഭാഗത്തിലെ അസിസ്റ്റന്റ് പ്രൊഫസർ നവാസ് മന്നൻ പങ്കെടുത്തു. കെ. സി. വാസന്തി എന്നിവരും സമ്മാനദാന ചടങ്ങിൽ പങ്കെടുത്തു.
വൈക്കം മുഹമ്മദ് ബഷീറിന്റെ പ്രശസ്ത കൃതികളായ പോക്കറ്റടിക്കാരൻ, പാത്തുമ്മയുടെ ആട്, മതിലുകൾ എന്നിവയുടെ റീഡിങ് തിയറ്റർ അവതരണവും പരിപാടിയിൽ അരങ്ങേറി.
ഡെപ്യൂട്ടി കലക്ടർ വി. ഇ. ഷെർളി, കെ. സി. ശ്രീനിവാസൻ, പി. പി. ആയിഷ എന്നിവർ ചടങ്ങിൽ സംസാരിച്ചു.
വായനയുടെ മാധുര്യം പങ്കുവെച്ച് കുടുംബസമേതം കുട്ടികൾ പങ്കെടുത്ത ഈ സംഗമം ഓർമ്മകളിലേക്കൊരു മധുരസഞ്ചാരമായി സമാപിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.