വളപട്ടണം പഞ്ചായത്തിലെ കളരിവാതുക്കല് ക്ഷേത്രക്കുളം നവീകരണ പ്രവൃത്തി ഉദ്ഘാടനം കെ.വി സുമേഷ് എം.എല്.എ നിര്വ്വഹിച്ചു. 1500 വര്ഷത്തോളം പഴക്കമുള്ള കളരിവാതുക്കല് ക്ഷേത്രത്തിന്റെ കുളം നവീകരിക്കാന് എം.എല്.എയുടെ ആസ്തി വികസന ഫണ്ടില് നിന്ന് 80 ലക്ഷം രൂപ അനുവദിച്ചിരുന്നു. നവീകരണത്തിനുള്ള ടെണ്ടര് നടപടികള് പൂര്ത്തിയായി. മെയ് മാസത്തോടെ നവീകരണ പ്രവൃത്തി പൂര്ത്തിയാക്കുമെന്ന് എം എല് എ പറഞ്ഞു. വര്ഷങ്ങളായി ശോചനീയവസ്ഥയിലായിരുന്ന കുളം നവീകരിക്കണമെന്ന പ്രദേശവാസികളുടേയും ക്ഷേത്ര കമ്മിറ്റി ഭാരവാഹികളുടേയും ആവശ്യത്തെ തുടര്ന്ന് എം.എല്.എ തുക അനുവദിക്കുകയായാരുന്നു. എഞ്ചിനീയറിംഗ് വിഭാഗം വിശദമായ എസ്റ്റിമേറ്റും തയാറാക്കി. വളപട്ടണത്തെ പ്രധാനപ്പെട്ട പൈതൃക കേന്ദ്രമാണ് കളരി വാതുക്കല് ക്ഷേത്രവും ക്ഷേത്രകുളവും. പരിപാടിയില് ക്ഷേത്ര മാനേജര് പി.വി ചന്ദ്രശേഖരന്, സി.കെ സുരേഷ് വര്മ്മ, എ.ടി ശഹീര്, വി.കെ ലളിതാദേവി, പി.വി രാധിക, ടി.കെ പത്മനാഭന്, പി.ജെ പ്രജിത്ത്, നാരായണന് എന്നിവര് സംസാരിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.