കത്തിക്കുത്ത് വധശ്രമത്തിന് കേസ്.

ചക്കരക്കൽ: വീട്ടിൽ അതിക്രമിച്ചു കയറി ഗൃഹനാഥനെ കത്തികൊണ്ട് നെഞ്ചിന് കുത്തുകയും ജനൽ ഗ്ലാസുകൾ തകർക്കുകയും ചെയ്ത പ്രതിക്കെതിരെ വധശ്രമത്തിന് കേസ്.അഞ്ചരക്കണ്ടിമാമ്പ എക്കാൽ സ്വദേശി ടി.പ്രസാദിൻ്റെ (63) പരാതിയിലാണ്
ഷിജുവിനെതിരെ വധശ്രമത്തിന് കേസെടുത്തത്.പരാതിക്കാരൻ്റെ മകൻ പ്രതിയുടെ മുൻ ഭാര്യയെ കല്യാണം കഴിച്ച വിരോധത്തിലായിരുന്നു അക്രമം ചൊവ്വാഴ്ച വൈകുന്നേരം 6.30 മണിയോടെ വീട്ടിലെത്തിയ പ്രതി പരാതിക്കാരനെ കൈയിൽ കരുതിയ കത്തി കൊണ്ട് നെഞ്ചിന് കുത്തുകയും വരാന്തയിൽ ഉണ്ടായിരുന്ന വെള്ളം നിറച്ചപ്ലാസ്റ്റിക് കുപ്പി കൊണ്ട് ജനൽ ഗ്ലാസ് തകർക്കുകയും ചെയ്തുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.