മുതിർന്ന സി പി ഐ എം നേതാവ് പോത്തൻ ബാലൻ അന്തരിച്ചു

Kannadiparamba online news
Screenshot

പിണറായി: മുതിർന്ന സി പി ഐ എം നേതാവും പാർട്ടി മുൻ ജില്ലാ കമ്മിറ്റി അംഗവുമായ പോത്തൻ ബാലൻ അന്തരിച്ചു. പിണറായി വിജയൻ മുഖ്യമന്ത്രിയായിരിക്കെ ധർമടം മണ്ഡലം പ്രതിനിധിയായി പ്രവർത്തിച്ചിരുന്ന അദ്ദേഹം, അവിഭക്ത കൂത്തുപറമ്പ് ഏരിയയിലും പിണറായി ഏരിയയിലും പാർട്ടിയെ ശക്തിപ്പെടുത്തുന്നതിൽ നിർണായക പങ്കുവഹിച്ചു. സംസ്കാരം ചൊവ്വാഴ്ച പകൽ രണ്ടിന് കോയിലോട് ശ്മശാനത്തിൽ നടക്കും.

കമ്യൂണിസ്റ്റ് പാർട്ടിക്ക് കാര്യമായ സ്വാധീനമില്ലാതിരുന്ന വേങ്ങാടും പരിസര പ്രദേശങ്ങളും പാർട്ടിയുടെ ശക്തികേന്ദ്രങ്ങളാക്കി മാറ്റുന്നതിൽ മുൻനിരയിൽ പ്രവർത്തിച്ച നേതാവായിരുന്നു പോത്തൻ ബാലൻ. സി പി ഐ എം പിണറായി ഏരിയ സെക്രട്ടറിയായും കൂത്തുപറമ്പ് ഏരിയ കമ്മിറ്റി അംഗമായും പ്രവർത്തിച്ചു. വേങ്ങാട് പഞ്ചായത്ത് പ്രസിഡന്റായും ചുമതല വഹിച്ചു.

ചെത്തുതൊഴിലാളി യൂണിയൻ കൂത്തുപറമ്പ് റേഞ്ച് സെക്രട്ടറി, കൈത്തറി തൊഴിലാളി യൂണിയൻ ജില്ലാ കമ്മിറ്റി അംഗം എന്നീ നിലകളിലും പ്രവർത്തിച്ചു. വേങ്ങാട് ഇ കെ നായനാർ സ്മാരക ഗവൺമെന്റ് ഹൈസ്കൂൾ സ്ഥാപകരിൽ ഒരാളാണ്.

ഭാര്യ: പത്മിനി. മക്കൾ: പി രമേശൻ (കൂത്തുപറമ്പ് സഹകരണ റൂറൽ ബാങ്ക് സെക്രട്ടറി, സി പി ഐ എം വേങ്ങാട് ഈസ്റ്റ് ബ്രാഞ്ച് അംഗം), പി ദിനേശൻ (കുവൈത്ത്), പരേതനായ സുരേഷ്. മരുമക്കൾ: ബിന്ദു, രഞ്ജിനി (മട്ടന്നൂർ ട്രഷറി), ലിന്റ.

വാർത്തകൾ തത്സമയം അറിയാൻ

നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.

നിങ്ങളുടെ പ്രദേശത്തെ വാർത്തകൾ അറിയിക്കാൻ:

വാർത്തകൾ അയക്കാം (WhatsApp)

Mob: +91 96059 58974

Share This Article
error: Content is protected !!