യുവതി മരിച്ചു ചികിത്സാ പിഴവെന്ന് പരാതി

തളിപ്പറമ്പ് : മംഗലാപുരത്തെ ആശുപത്രിയിൽ ശസ്ത്രക്രിയയ്ക്കു ശേഷം ചികിത്സയിലായിരുന്ന യുവതി മരിച്ചു. തളിപ്പറമ്പ് മന്നയിലെ ആയൂർ വേദചികിത്സാലയ സ്ഥാപനത്തിലെ റിസപ്ഷനിസ്റ്റ് തലോറയിലെ
വി വി ജീജ (38) യാണ് മരണപ്പെട്ടത്.
അസുഖത്തെ തുടർന്ന് മംഗലാപുരം ഫാദർ മുള്ളേർസ് ആശുപത്രിയിൽ ചികിത്സയിലായിരുന്നു.
അമ്മ : രോഹിണി (ചുഴലി ),
അച്ഛൻ പരേതനായലക്ഷ്മണൻ .
ഭർത്താവ് : വി. വിനോദ് (ഓട്ടോ ഡ്രൈവർ തളിപ്പറമ്പ്)
മകൻ : ദേവനന്ദ്
(മൂത്തേടത്ത് ഹൈസ്കൂൾ പത്താം തരം വിദ്യാർത്ഥി). യുവതിയുടെ മരണത്തിൽ ചികിത്സ പിഴവുണ്ടെന്ന് സംശയിക്കുന്നതായികാണിച്ച് ഭർത്താവ് വി. വിനോദ് തളിപ്പറമ്പ് പോലീസിൽ പരാതി നൽകി. ഈ മാസം 21 ന് ആണ് യുവതിയെ ഗർഭാശയ സംബന്ധമായ അസുഖത്തെ തുടർന്ന് മംഗലാപുരത്തെ ആശുപത്രിയിൽ പ്രവേശിപ്പിച്ചിരുന്നത്. 23 നു യുവതിയെ ശസ്ത്രക്രിയയ്ക്ക് വിധേയമാക്കിയതായി ബന്ധുക്കൾ പറയുന്നു. ചികിത്സക്കിടെ ഇന്നലെ ഉച്ചയോടെയായിരുന്നു അന്ത്യം. തളിപ്പറമ്പ് പോലീസ് മൃതദേഹം ഇൻക്വസ്റ്റ് നടത്തി.