മുംബൈ ക്രൈംബ്രാഞ്ച് ചമഞ്ഞ് തട്ടിപ്പിന് ശ്രമം; സൈബർ പോലീസ് കേസെടുത്തു

കണ്ണൂർ: നിരോധിതസംഘടന പ്രവർത്തകൻ്റെ വീട് മുംബൈ ക്രൈംബ്രാഞ്ച് റെയ്ഡ് ചെയ്തപ്പോൾ ലഭിച്ച കാനറാ ബേങ്ക് എ ടി എം കാർഡ് വഴി അധികൃത പണമിടപ്പാട് നടന്നിട്ടു ണ്ടെന്ന് മുംബൈ ക്രൈംബ്രാഞ്ച് ഉദ്യോഗസ്ഥനാണെന്ന് ആൾമാറാട്ടം നടത്തി ഭീഷണിപ്പെടുത്തി പണം തട്ടാൻ ശ്രമിച്ചുവെന്ന റിട്ട. ബേങ്ക് ഉദ്യോഗസ്ഥൻ്റെ പരാതിയിൽ സൈബർ ക്രൈം സ്റ്റേഷനിൽ കേസെടുത്തു. കണ്ണൂർ തോട്ടടയിലെ പ്രമോദ് മ ടത്തിലിൻ്റെ പരാതിയിലാണ് കേസെടുത്ത്. ഈ മാസം 10 നും 12 മിടയിലാണ് സംഭവം. വാട്സാപ്പിൽ ബന്ധപ്പെട്ട തട്ടിപ്പുസംഘം ക്രൈംബ്രാഞ്ച് ഉദ്യോഗസ്ഥരാണെന്ന് വിശ്വസിപ്പിച്ച് നിരോധിത സംഘടനയായ പോപ്പുലർ ഫ്രണ്ട് പ്രവർത്തകൻ്റെ വീട് റെയ്ഡിനിടെ ലഭിച്ച പരാതിക്കാരൻ്റെ എ ടി എം കാർഡ് വഴി അനധികൃത പണമിടപാട് നടന്നിട്ടുണ്ടെന്നും ഇതിനാൽ ക്രൈംബ്രാഞ്ച് താങ്കൾക്കെതിരെ കേസെടുത്തിട്ടുണ്ടെന്നും എൻ.ഐ എ. യുടെ റിപ്പോർട്ടിന് പരാതിക്കാരൻ്റെ പേരിലുള്ള വ്യാജ എ ടി എം കാർഡ്, രേഖകൾ അയച്ചു കൊടുത്ത് അക്കൗണ്ട് വിവരങ്ങൾ ആവശ്യപ്പെട്ട് ആൾമാറാട്ടം നടത്തി പണം തട്ടാൻ ശ്രമിച്ചുവെന്ന പരാതിയിലാണ് കേസെടുത്തത്.