കണ്ണൂർ: കാൽനട യാത്രക്കാരുടെ സുരക്ഷ ഉറപ്പാക്കി സീബ്രാ ലൈൻ (Pedestrian Crossing) ലംഘനങ്ങളെതിരെ മോട്ടോർ വാഹന വകുപ്പ് എൻഫോഴ്സ്മെന്റ് സ്ക്വാഡ് ശക്തമായ നടപടികളുമായി രംഗത്തിറങ്ങി. സീബ്രാ ലൈനിൽ വഴി നൽകാതെ അമിത വേഗത്തിൽ കടന്നുപോകാൻ ശ്രമിച്ച 99 വാഹനങ്ങൾ പിടിയിലായി.
അതോടൊപ്പം നഗരപ്രദേശത്ത് വൺവേ ലംഘിച്ച് ഓടിച്ച 7 വാഹനങ്ങളും ഉദ്യോഗസ്ഥർ പിടികൂടി.
നികുതി, പെർമിറ്റ് ലംഘനങ്ങൾക്കും പിടിവീഴ്ച
ഇരിട്ടി, മട്ടന്നുർ, കൂത്തുപറമ്പ് മേഖലകളിൽ നടത്തിയ പ്രത്യേക പരിശോധനയിൽ:
നികുതി അടയ്ക്കാതെ ഓടിച്ച 3 സ്റ്റേജ് കാരിയേജ് ബസുകൾ ഒരു വർഷമായി പെർമിറ്റില്ലാതെ ഓടിച്ച 1 സ്റ്റേജ് കാരിയേജ് ബസ് ലൈസൻസില്ലാതെ വാഹനം ഓടിച്ച 12 കേസുകൾ ഇൻഷുറൻസ് ഇല്ലാതെ ഓടിയ വാഹനങ്ങൾ ഓവർലോഡിങ്ങ് — 5 കേസുകൾ
ഇവയിൽ നിന്നുമൊത്തമായി 1.5 ലക്ഷം രൂപ പിഴ ഈടാക്കിയതായി അധികൃതർ അറിയിച്ചു.
സീബ്രാ ലൈൻ ലംഘകരെ പിടികൂടുന്ന രീതി മാറ്റം
മറ്റു മോട്ടോർ വാഹന കേസുകളിൽ നിന്നും വ്യത്യസ്തമായി, സീബ്രാ ലൈൻ, വൺവേ ലംഘന കേസുകളിൽ:
സ്ഥലത്ത് പിടികൂടുകയോ പിഴ ഈടാക്കുകയോ ചെയ്യുന്നില്ല ലംഘനത്തിന്റെ ഫോട്ടോ പകർത്തി കോടതിക്ക് കൈമാറും തുടർന്ന് കോടതിയുടെ നോട്ടീസ് ലഭിച്ചാൽ മാത്രമേ ഉടമയ്ക്ക് വിവരം ലഭിക്കൂ കോടതി നിശ്ചയിക്കുന്ന പിഴതുകയാണ് അടയ്ക്കേണ്ടത് കേസ് തീരുവോളം വാഹനം വിൽക്കൽ/കൈമാറ്റം നടത്താൻ കഴിയില്ല
യാത്രക്കാരുടെ സുരക്ഷ ഉറപ്പാക്കാൻ ശക്തമായ നടപടികൾ
സീബ്രാ ലൈനിലൂടെ റോഡ് മുറിച്ചു കടക്കാൻ ശ്രമിക്കുന്ന യാത്രക്കാർക്ക് മുൻഗണന നൽകേണ്ടതാണെങ്കിലും, വലിയ തോതിൽ ഡ്രൈവർമാർ നിയമം ലംഘിക്കുന്നുവെന്ന പരാതികൾ വർധിച്ചതോടെയാണ് നടപടി ശക്തമാക്കിയതെന്ന് എൻഫോഴ്സ്മെന്റ് ഉദ്യോഗസ്ഥർ വ്യക്തമാക്കി.
ജില്ലയിലെ എല്ലാ പ്രധാന ടൗണുകളിലും തുടർച്ചയായി പരിശോധന നടത്തുമെന്നും പറഞ്ഞു.
പരിശോധന ടീമിൽ എം.വി.ഐമാരായ സുനേഷ് പുതുവീട്ടിൽ, ബിജു, എ.എ.എം.വി.ഐ വി.ആർ. ഷനിൽ കുമാർ എന്നിവർ നേതൃത്വം നൽകി.
അതിനൊപ്പം, വിപരീതദിശയിൽ വരുന്ന വാഹനങ്ങൾക്ക് ഹെഡ്ലൈറ്റ് ഡിം ചെയ്യാതെ ഓടിക്കുന്നവർക്കെതിരെയും നടപടിയെടുക്കുമെന്ന് അധികൃതർ അറിയിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.