വയക്കച്ചാൽ–പാവന്നൂർ മൊട്ട റോഡ് താറിങ് പ്രവർത്തികൾക്ക് തുടക്കം

കുറ്റിയാട്ടൂർ: വയക്കച്ചാൽ–പാവന്നൂർ മൊട്ട റോഡ് താറിങ് പ്രവർത്തികൾക്ക് തുടക്കം കുറിച്ചു. 2025–26 വാർഷിക പദ്ധതിയിൽ ഉൾപ്പെടുത്തി കുറ്റിയാട്ടൂർ ഗ്രാമപഞ്ചായത്താണ് പ്രവൃത്തി ആരംഭിച്ചത്.

വാർഡ് മെമ്പർ യൂസഫ് പാലക്കലിന്റെ അധ്യക്ഷതയിൽ നടന്ന ചടങ്ങിൽ പഞ്ചായത്തുതല പ്രസിഡണ്ട് പി.പി. റെജി ഉദ്ഘാടനം നിർവഹിച്ചു. പി. ബിജു സ്വാഗതം പറഞ്ഞു.

വിവിധ രാഷ്ട്രീയ പാർട്ടി പ്രതിനിധികളായ പവിത്രൻ, ഷാജി, ശ്രീഷ് എന്നിവർ ആശംസകൾ അറിയിച്ചു സംസാരിച്ചു. നാട്ടുകാരുടെ വകയിൽ നന്ദിനി നന്ദി അറിയിച്ചു. ചടങ്ങിൽ പങ്കെടുത്തവർക്ക് മധുര പലഹാരവും വിതരണം ചെയ്തു.