കൊല്ലം: ദേശീയപാതയില് ഓച്ചിറ വലിയകുളങ്ങരയില് കെഎസ്ആര്ടിസി ഫാസ്റ്റ് പാസഞ്ചറും എസ്.യു.വി വാഹനവും കൂട്ടിയിടിച്ച് നാലുപേര്ക്ക് ദാരുണാന്ത്യം. നിരവധിപേർക്ക് പരിക്കേറ്റു. പരിക്കേറ്റ ഒരാളുടെ നില അതീവ ഗുരുതരമാണ്.
വ്യാഴാഴ്ച രാവിലെയാണ് അപകടമുണ്ടായത്. കാറിലുണ്ടായിരുന്ന തേവലക്കര സ്വദേശികളാണ് മരിച്ചത്. കെഎസ്ആര്ടിസി ബസിലുണ്ടായിരുന്ന പത്ത് പേര്ക്കും പരിക്കേറ്റു. ഇവരെ ഓച്ചിറയിലെ ആശുപത്രിയില് പ്രവേശിപ്പിച്ചിരിക്കുകയാണ്.
ഇടിയുടെ ആഘാതത്തില് എസ്.യു.വി ശ്രേണിയില്പ്പെടുന്ന വാഹനം പൂര്ണമായും തകര്ന്നു. കരുനാഗപ്പള്ളിയില്നിന്ന് ചേര്ത്തലയിലേക്ക് വരികയായിരുന്ന കെഎസ്ആര്ടിസി ബസും എതിര്ഭാഗത്ത് നിന്ന് വരികയായിരുന്നു എസ്യുവിയുമാണ് അപകടത്തില്പ്പെട്ടത്. നെടുമ്പാശ്ശേരിയില്നിന്ന് മടങ്ങി വരികയായിരുന്നവരാണ് എസ്യുവിയിലുണ്ടായിരുന്നത്. അഞ്ച് പേരായായിരുന്നു വാഹനത്തിലുണ്ടായിരുന്നത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.