🌕✨ മാണിയൂർ സെൻട്രൽ എഎൽപി സ്കൂളിൽ ചാന്ദ്ര വിജയദിനം സംഘടിപ്പിച്ചു!

ചട്ടുകപ്പാറ: ശാസ്ത്രബോധം വളർത്തുന്നതിനും അന്താരിക്ഷ വിജ്ഞാനത്തിൽ കുട്ടികളെ ആകർഷിക്കുന്നതിനുമായി, മാണിയൂർ സെൻട്രൽ എ.എൽ.പി. സ്കൂൾ, കേരള ശാസ്ത്ര സാഹിത്യ പരിഷത്ത് മയ്യിൽ മേഖല എന്നിവ ചേർന്ന് ചാന്ദ്ര വിജയദിനം ആചരിച്ചു.

പ്രദർശന പാനൽ കുറ്റ്യാട്ടൂർ ഗ്രാമ പഞ്ചായത്ത് പ്രസിഡണ്ട് പി.പി. റെജി ഉദ്ഘാടനം ചെയ്തു. പഞ്ചായത്ത് അംഗം പി. ശ്രീധരൻ, പി.ടി.എ പ്രസിഡണ്ട് കെ.വി. പ്രതീഷ് എന്നിവർ ആശംസകളുമായി സംസാരിച്ചു.

ചാന്ദ്രദിനം പരിഷത്ത് മയ്യിൽ മേഖല പ്രസിഡണ്ടും യൂറിക്ക അസോസിയേറ്റ് എഡിറ്ററുമായ ഡോ. രമേശൻ കടൂർ ഔപചാരികമായി ഉദ്ഘാടനം ചെയ്ത് ശാസ്ത്ര വിജ്ഞാനത്തിന്റെ പ്രാധാന്യത്തെക്കുറിച്ച് സംസാരിച്ചു.

പരിപാടിക്ക് പി.പി. മിനി ടീച്ചർ അധ്യക്ഷയായി. പി. രാഹുൽ, കെ.പി. സുനിത എന്നിവർ പ്രസംഗിച്ചു. കെ.പി. റജിൻ സ്വാഗതവും കെ. റിനി നന്ദിയും രേഖപ്പെടുത്തി.