കൊളച്ചേരി: കോട്ടയം മെഡിക്കൽ കോളേജിൽ കെട്ടിടം തകർന്നുവീണ് ബിന്ദുവെന്ന സ്ത്രീക്ക് ജീവൻ നഷ്ടപ്പെട്ടതിനെതിരെ, ആരോഗ്യമന്ത്രി വീണാ ജോർജിന്റെ രാജി ആവശ്യപ്പെട്ട് മുസ്‌ലിം യൂത്ത് ലീഗ് പഞ്ചായത്ത് തലത്തിൽ ഇന്ന് (ജൂലൈ 5) കമ്പിലിൽ റോഡ് ഉപരോധം നടത്തും.
കൊളച്ചേരി പഞ്ചായത്ത് മുസ്‌ലിം യൂത്ത് ലീഗിന്റെ നേതൃത്വത്തിലുള്ള പ്രതിഷേധ പ്രകടനം വൈകിട്ട് 4.30ന് പന്ന്യങ്കണ്ടിയിൽ നിന്നും ആരംഭിച്ച ശേഷം, 5 മണിക്ക് കമ്പിൽ ടൗണിൽ റോഡ് ഉപരോധത്തിലേക്ക് നീങ്ങുമെന്ന് പഞ്ചായത്ത് കമ്മിറ്റി അറിയിച്ചു.
സംഭവത്തിൽ ധാർമിക ഉത്തരവാദിത്വം ഏറ്റെടുത്ത് മന്ത്രിയെത്തന്നെ രാജിവെക്കണമെന്ന് യൂത്ത് ലീഗ് ആവശ്യപ്പെട്ടു. പ്രതിഷേധ പരിപാടിയിൽ വിവിധ യൂത്ത് ലീഗ് ഘടകങ്ങളുടെയും നേതൃത്വ സ്ഥാനങ്ങളിലിരിക്കുന്നവർ പങ്കെടുക്കും.