തളിപ്പറമ്പ്: നിയന്ത്രണം വിട്ട കാർ റോഡരികിലെ പറമ്പിലേക്ക് ഇടിച്ചു കയറി, ആളപായമില്ല. ബുധനാഴ്ച രാവിലെ 8 – മ ണിയോടെയാണ് അപകടം. ചാലത്തൂരിൽ നിന്നും കുപ്പം ഭാഗത്തേക്ക് പോകുകയായിരുന്ന കെ. എൽ. 59. എ.എ.5751 നമ്പർ കാറാണ് അപകടത്തിൽപ്പെട്ടത്.നിയന്ത്രണം വിട്ട കാർ റോഡരികിലെ ചെങ്കല്ലുകളിൽ ഇടിച്ച് തൊട്ടടുത്ത പറമ്പിലേക്ക് ഇടിച്ചു കയറി നിൽക്കുകയായിരുന്നു. ആ സമയം വഴിയാത്രക്കാർ ഇല്ലാതിരുന്നതും മറ്റു വാഹനങ്ങൾ കടന്നു വരാതിരുന്നതിനാലും ദുരന്തമൊഴിവായി.കാർ ഓടിച്ച ചാലത്തൂർ സ്വദേശിയായ എയർ പോർട്ട് ജീവനക്കാരൻ പരിക്കേൽക്കാതെ അൽഭുതകരമായി രക്ഷപ്പെട്ടു. പിന്നീട് ക്രെയിനിൻ്റെ സഹായത്തോടെ കാർ നീക്കം ചെയ്തു.
