മയ്യില്‍: വൈശാഖോത്സവത്തിന്റെ പ്രഥമ ചടങ്ങായ നെയ്യാട്ടത്തിനുള്ള നെയ്യമൃതുമായി കുറ്റിയാട്ടൂര്‍ തമ്മേങ്ങാടന്‍ തറവാട്ടുകാരുടെ സംഘം അഞ്ചിന് കൊട്ടിയൂരേക്ക് പുറപ്പെടും. പാതിരിയാട് മഠത്തില്‍ വ്രതത്തില്‍ കഴിയുന്ന തമ്മേങ്ങാടന്‍ മൂത്ത നമ്പ്യാര്‍ വി.സി. വിജയന്‍ നമ്പ്യാരുടെ നേതൃത്വത്തിലുള്ള 24 അംഗമാണ് ഉച്ചക്ക് രണ്ടിന് പുറപ്പെടുക. കലശപാത്രം തലയിലേറ്റി കഴുത്തില്‍ ചൂരലും ചുറ്റി ശുഭ്രവസ്ത്രം ധരിച്ചാണ് ശിവമന്ത്രോമോതിയാണ് കാല്‍നടയായി സംഘം യാത്ര തിരിക്കുക. മുന്നിടങ്ങളില്‍ തങ്ങി എട്ടിന് രാത്രിയാണ് നെയ്യാട്ടം നടത്തുക.
