കാർ മതിലിലിടിച്ച് യുവാവ് മരിച്ചു

ഇരിക്കൂർ: കല്യാട് എ.യു.പി. സ്കൂളിന് സമീപം കാർ നിയന്ത്രണം വിട്ട് മതിലിലിടിച്ച് യുവാവ് മരിച്ചു.

കല്യാട് സ്കൂളിന് സമീപത്തെ കാരക്കണ്ടി വീട്ടിൽ ശ്രീവിൻ(30) ആണ് മരിച്ചത്. ഞായറാഴ്ച രാത്രി എട്ടോടെയായിരുന്നു. അപകടത്തിൽ കാർ പൂർണമായും തകർന്നു . പരിക്കേറ്റ ശ്രീവിനെ ഇരിക്കൂറിലെ സ്വകാര്യ ആശുപത്രിയിലും പിന്നീട് കണ്ണൂരിലെ സ്വകാര്യ ആശുപത്രിയിലും എത്തിച്ചെങ്കി ലും ജീവൻ രക്ഷിക്കാനായില്ല.എച്ച്.ഡി.എഫ്.സി. ബാങ്ക് ജീവനക്കാരനാണ്. അച്ഛൻ: വിജയൻ. അമ്മ: ശ്രീജ. സഹോദരി: പരേതയായ ആശ്രയ.