ലോറിയുടെ ടയർ ഊരിതെറിച്ച് സ്വകാര്യ ബസിന്റെ ഡീസൽ ടാങ്ക് തകർന്നു

കണ്ണപുരം. ചരക്ക് ലോറിയുടെ ടയർ ഊരിതെറിച്ച് സ്വകാര്യ ബസിലിടിച്ച് ഡീസൽ ടാങ്ക് തകർന്നുഡീസൽ ചോർന്നു. ഇന്ന് രാവിലെ 9.30 മണിക്ക് റെയിൽവെ സ്റ്റേഷന് സമീപത്താണ് അപകടം.വൻ ദുരന്ത മൊഴിവായി.
പഴയങ്ങാടി-കണ്ണൂർ റൂട്ടിൽ സർവീസ് നടത്തുകയായിരുന്ന സ്വകാര്യ ബസ് കണ്ണപുരം റെയിൽവേ സ്റ്റേഷന് സമീപം നിർത്തി യാത്രക്കാരെ കയറ്റുന്നതിനിടയിൽ കണ്ണൂർ ഭാഗത്തുനിന്നും പഴയങ്ങാടി ഭാഗത്തേക്ക് വരികയായിരുന്ന ചരക്ക് ലോറിയുടെ പിൻഭാഗത്തെ ടയർ ഊരിതെറിച്ചാണ് അപകടം. നിറയെ യാത്രക്കാരുണ്ടായിരുന്ന ബസ്സിലാണ് ഡീസൽ ചോർച്ചയുണ്ടായത്. സംഭവം യാത്രക്കാരിലും പരിസരവാസികളും ഭീതി പരത്തി. അപകടത്തെ തുടർന്ന് കെഎസ്ടിപി റോഡിൽ വാഹന ഗതാഗത തടസ്സപ്പെട്ടു.വിവരമറിഞ്ഞ് കണ്ണപുരം പോലീസ് സ്ഥലത്തെത്തിയാണ് ഗതാഗതം നിയന്ത്രിച്ചത്.